{..الي بقالي مع الأيام وفيته ~

[حاشره بليس بكيس]

[ALIGN=CENTER][TABLETEXT="width:70%;background-color:black;"][CELL="filter:;"][ALIGN=center]**








اللي بقى لي مع الأيام .. وفّيته

......................... والضيق لو ينهمر تشربْه ودياني
ماهي كبيره علي والحزن غنيته
........................ وْلاهي غريبه إذا وقتي تحداني





الخوف - يّ من نشبت القلب و آدميته-
........................لاعشت زهرة شبابك وانت وحداني!!
كم جرح خذْته من الأحباب.. ضمّيته
............................وجروح قلبي زكاة لْـ/حُبّ خِلاّني





مطعون؟ عاااادي ،، جفا الأقراب؟ داويته
....................... تعبان؟ مبطي ،، ردى هالحظ؟ خاواني
صدمه؟ بسيطه ،، هَوان الحال؟ مرّيته
.........................مقرود؟ خِلقه ،، وإذا حرمان؟ عدّاني





ما فاح همّ ٍ لك الله ما تقهويته
..............................ما مرّ حزن ٍ بغيري ما تبلاّني!
ياما وياما من الخذلان .. عديته
.............................إلا بصاحبْ .. بعد عِشره تناساني!!





أزريت لأنسى غيابه لين ناديته
..................................والموت لامن تجاهلني و جافاني
وينه يجيني .. وكل عْتاب كنّيته
..............................ياليت يدري بعد فرقاه وش جاني!!





من كنت طفل ٍ وانا أرجاه في بيته
..............................شيّبت.. واثره على هالحال خلاني!
حتى جناح العَتَب لرضاه ذليته
................................ماطِرْت بعده فرح من ذلّ جنحاني





يا قلب صبرك .. ترى كل شيّ سويته
................................. ما كان أفضل من اللي كان بإمكاني
لو بيّ قوه على الهجران؟ خليته
.................................... لو بيّ ذره من النكران؟ يفداااني





الجرح أرحم .. إذا يرجع من أغليته
............................ مجروح؟ فِدوه .. ولكن صعب وحداني!





لَ المبدع ../ عبدالله الظفيري
[/ALIGN][/CELL][/TABLETEXT][/ALIGN]

[رماد الشوق]

صح لسان الشاعر

وتسلمين ع النقل

[حاشره بليس بكيس]

المشاركة الأصلية كتبت بواسطة رماد الشوق صح لسان الشاعر وتسلمين ع النقل

حياتس الله يابنت العم
صح بدنتس بالنيابه

[وجودك يكفي]

قصيدة رائعه

صح لسان الشاعر عبدالله الظفيري ولاهنتي ياريم على الإختيار والطرح المميّز

احترامي

[حاشره بليس بكيس]

المشاركة الأصلية كتبت بواسطة وجودك يكفي قصيدة رائعه صح لسان الشاعر عبدالله الظفيري ولاهنتي ياريم على الإختيار والطرح المميّز احترامي

حياك الله ياوجودك على اني زعلانه عليك مير يالله برحب فيك <وش عندها

[شـوآق]

بطله ي ريم ,
انتقاء يدل ع ذائقه عاليه ومميزهـ


صح لسان / عبدالله الظفيري
ولاهنت ِ

[حاشره بليس بكيس]

المشاركة الأصلية كتبت بواسطة شـوآق بطله ي ريم , انتقاء يدل ع ذائقه عاليه ومميزهـ صح لسان / عبدالله الظفيري ولاهنت ِ

حياك الله يااستاذ شواق
أدري ترى ماجبت شين جديد
<انزلعي صدز ماتعطى وجه

[تباريح الروقي]

صح لسان شاعرها وصح ذووقك يالريم,,,,ابيات حملت بطياتها الكثييير من الحزن
تقبلي مروري,,,دمتي بصحة وعااافية’’’

[حاشره بليس بكيس]

المشاركة الأصلية كتبت بواسطة تباريح الروقي صح لسان شاعرها وصح ذووقك يالريم,,,,ابيات حملت بطياتها الكثييير من الحزن تقبلي مروري,,,دمتي بصحة وعااافية’’’

ارحبي ياتباريح واشوف هالنور اقول ياربي وش هو اثره انتي
<ههههههههههههههههههههههه
لاعدمت هالتواجد

[فوزيهـ]

روووعه يديك العآفيه عالنقل أختي