العزوبي

[ابن مسلم]

بسم الله الرحمن الرحيم

كل عام وانتم بخير

إليكم هذه المتواضعه

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

العزوبي عيشته عيشه كسيفه = مايذوق النوم وأكله بالمطاعم
غادين وجهه من الملهاب ليفه= مايفيده لاكريم ولامراهم
يلبس إهدومه ولوماهي نظيفه = والظروف أحيان في وضعه إتساهم
ضاع من عمره يجي حول النصيفه= أن سرى ولايجيك الصبح جاهم
موتره من كثر سفراته أوحيفه = يزعج اللي عنه كيلوين نايم
كل ديره زارها إيدور وظيفه = ماتهيا شيء والوضع أمتفاقم
مجتهد بالبحث والدنيا كليفه = ماربار الوقت بلباس العمايم
وان تهيت صارت إظروفه عنيفه = بعد شيبانن عجز يلحق جزاهم
وإن تغيب يوم كملبه عريفه= والمحاضر والمه والفصل والم
قاله اللي شافله بالعين شيفه= خاطره مكسور منها ومتشائم
أفزعيله ياحكومتنا الشريفه= ماله إلا أنتي بعد مولاه داعم
أجمعي شمل الموالف مع وليفه = بالعمل والعرس والبيت ودراهم

[/poem]

وسلامتكم

[وجودك يكفي]

عليكم السلام ورحمة الله وبركاته .. وكل عام وانت بخير

صح لسانك يابن مسلم ولاهنت على الأبيات الرائعه والمعبّره

احترامي

[ابن مسلم]

المشاركة الأصلية كتبت بواسطة وجودك يكفي عليكم السلام ورحمة الله وبركاته .. وكل عام وانت بخير صح لسانك يابن مسلم ولاهنت على الأبيات الرائعه والمعبّره احترامي

صح بدنك

وبيض الله وجهك

تقبل تقديري واحترامي

[تباريح الروقي]

قـــالــــه الـــلــــي شــافــلـــه بــالــعــيــن شــيـــفـــه خــــاطــــره مــكـــســـور مــنـــهـــا ومــتــشــائــم
أفــــزعــــيــــلــــه يــاحــكـــومـــتـــنـــا الــــشــــريــــفــــه مـــالــــه إلا أنـــتــــي بـــعــــد مـــــــولاه داعـــــــم
أجـمـعــي شــمــل الـمــوالــف مـــــع ولـيــفــه بـالــعــمــل والـــعــــرس والــبــيـــت ودراهــــــــم


هههههههههههههههههههه<<الله يرزقك وينولك مناك,,اخوي,,والله علا مارق لي من ابياتك
الا انك طرحت معناة اغلب الشباب,,ولكن بطرح لا يجيدة الا شاعر متمكن
لك مني كل تقدير صح لسانك,,دمتم بصحة وعافية

[سلمان المالكي]

صح لسانك يا عزيزي ابن مسلم

قصيدة جزلة بمعانيها ومبانيها

تحيّة طيبة ومباركة ,,

[نايف تراحيب]

بالعمل والعرس والبيت ودراهم ،

اي والله افزعي له ياحكومتنا الشريفه ،

صح لسسآنك
صح لسسآنك
صح لسسآنك

نبي مثلها ومثلها يابن مسسلم ،

من اجمل ما قراءت في هذه الأيآم ،


احترامي وتقديري


/


،

[عبدالعزيز الفرج]

صح لسانك يابن مسلم ملايين ولاتسدك

كتبت ما كان يجول بخواطر أغلب العزوبيين ،، كفيت ووفيت




لاعدمناك

[عهود]

كـل ديـره زارهــا إيــدور وظـيـفــه ........مـاتـهـيـا شـيء والـوضــع أمـتـفـاقــم



لامن احصلت الوظيفه ابتنحل أمور كثير وأولها القضاااء على العزوبيه ,,

الله يحقق الأماني لكل من تمنى الوظيفه ويوفق الجميع

صح لسانك ابن مسلم

[عبدالله المرشدي]

صح لسانك يابن مسلم

وبيت موتره لحاله والقصيده كلها رررروعه

مبدع مبدع تحيتي لك