[frame="2 80"]صوته مثل عذرا خجلها شديدي ــــــ لاسولفت تشبه لصوت اشتغاله
اهدي لكم هذه القصيده -توصيف للفكسار ومدح بالقبيله
امل ان تنال رضاكم .
[poem=font="Simplified Arabic,4,black,normal,normal" bkcolor="transparent" bkimage="" border="none,4,green" type=0 line=0 align=center use=sp num="0,black"]
قم يانديبي فوق جيبٍ جديدي =آخر مديل مطلعينه وكاله
مضمون من عند الوكيل الوحيدي=عبداللطيف اللي يجيبه لحاله
فكسار نوعه بالفخامه فريدي=ماطب وسط السوق جيبٍ مثاله
لوكان هاليومين كثر الحديدي= ماظنتي تلقى وترضى بداله
تلقى الذي يشريه دايم سعيدي=يغليه كنه واحدٍ من عياله
لاقسى الظروف مصممٍٍ مايبيدي=يفوق غيره في مجال احتماله
اكيد من سواه مخه مريدي =وش لون تصميمه طراله بباله
يابين شكله لاعرض من بعيدي=تقول ذا الفكسار منهو حلاله
لوباصفه يطري علي وصف غيدي=يطري علي الزين واذكر دلاله
وجهه مثل وجه الغزال العنيدي=تذكر حسين الدل وانته قباله
كشخه ورزه في كماله تزيدي=كالجادل اللي غارقٍٍ في جماله
صوته مثل عذرا خجلها شديدي=لاسولفت تشبه لصوت اشتغاله
في ليل دخلتها على من تريدي=حبيبها اللي ما توقع وصاله
لونه مثل لون البرد والجليدي=والا كما مزنٍ تحدر خياله
اذا وقف تقول وقفة عقيدي=واذا مشا كنه يسابق ضلاله
واحيان يطري لي امامٍ زهيدي=ماراد من دنياه غير العداله
اذا وقف في خطبته يوم عيدي=تطري عليّه وقفته واعتداله
تقول سيّد والمواتر عبيدي=اذا وقفن جنبه تجلى كماله
مايركبه شين الفعول البليدي=مايركبه ياكود راع الشكاله
ممشاه عن درب الشرف مايحيدي=يدل دربه مايبي له دلاله
اقر الدعاء ثم شغله ياعميدي=واذكر عضيم الشان رب الجلاله
اسرح ترا المسراح بدري يفيدي=لاصار مشوارك بعيدٍ مناله
وصل سلامي يم عمي وسيدي=ابو سمير اللي تنادي دلاله
قله عسى مبروك يوم الشديدي=بالمنزل اللي تو فرشت زلاله
وابو مشاري علمه بالنشيدي=عطه الرساله وانشده كيف حاله
راع الوفا والطيب جزل القصيدي=الصاحب اللي نادراتٍ خصاله
قله وش الاخبار ويش الجديدي=من عقب عنا شد واقفت رحاله
وعم الجماعه كلهم ياسنيدي=ماقدر احدد ذكرهم في رساله
ربعٍ لهم فعلٍ فريدٍ مجيدي=يوم ان كلٍ يفتخر في رجاله
ربعي بني عياد ضد الضديدي=مراشده ياطيب ذيك السلاله
من ساس قوم فعلهم مايبيدي=عتابه مقر الطيب مابه جداله
اهل الكرم والجود علمٍ وكيدي =واهل الشجاعه كاسبين الجماله [/poem] [/frame]
| 
|
11-13-2005, 03:19 PM
المواضيع المتشابهه
العرض المتطور
