الرسائل الخاصه والاعضاء

[الصهد]

السلام عليكم ورحمة الله وبركاته

اشكر الادارة الموقره وعلى راسها الغالي ابن ثعلي
ومديرها التنفيذي الاخ نايف تراحيب
ارسل لي الاخ العزيزخليجي رساله خاصه دعوه للمشاركه بلغز التحدي
ووجدتها فرصه لمداعبته بهذه الرساله وهي من باب صادوه او مقلب الاعضاء

اتشرف ياخليجي بحضوري بالقسم والله لايهينك
بس ياخي بكون صريح معك مجهوداتك طيبه وتشكر عليها
بس احس انه مو مناسب لك الاشراف على قسم اللالغاز ولا المنتدى
لو تشوف لك شغله ثانيه ابرك لك
شريطي في سوق البل بالجنادريه احسن
لاتزعل من صراحتي ياحبيب قلبي وسلامتك

ههههههههه
عزيز وغالي
لكن انت وش أدراك عني الصبح شفتني مع ابوعجاريد في سوق البل بالجنادرية
الاّ امانه معك يابن عمي تعلمني وش انت شايف
ثم وش خلاك تقول احسن لي من المنتدى
جاوبني فيه شي لاتخبيه عني واكون لك شاكر .

ومن بعدها بدأت الرسائل للأخوه الطاقم الاداري

[الصهد]

عادل العصيمي عجزت افهمك ياخي بعدين من اللي رشحك
رئيس لجان بصراحه مهوب لايق عليك انا احق منك
ليش ماتتنازل لي وكلنا اعيال عم
انصحك
لو تروح لسنام وطحي وترزق الله بيعه شريه
ولا في سوق الرويضه
ارجو ان تتقبل مصارحتي لك وسلامتك

سالم وغانم يالصهد

هذي ما هي مصارحة !

هذي مشاعر متزاحمة بديتها بعدم الفهم وانهيتها بسوق الرويضه

والمشكلة عندك . مشاعرك ما فيها ترابط !

لكن لب موضوعك رئيس اللجنة اذا تبيه وانا اخوك شوف الادارة وانا ما عندي مانع

وسلامتك :)

[رغدالشيباني]

المشاركة الأصلية كتبت بواسطة الصهد عادل العصيمي عجزت افهمك ياخي بعدين من اللي رشحك رئيس لجان بصراحه مهوب لايق عليك انا احق منك ليش ماتتنازل لي وكلنا اعيال عم انصحك لو تروح لسنام وطحي وترزق الله بيعه شريه ولا في سوق الرويضه ارجو ان تتقبل مصارحتي لك وسلامتك سالم وغانم يالصهد هذي ما هي مصارحة ! هذي مشاعر متزاحمة بديتها بعدم الفهم وانهيتها بسوق الرويضه والمشكلة عندك . مشاعرك ما فيها ترابط ! لكن لب موضوعك رئيس اللجنة اذا تبيه وانا اخوك شوف الادارة وانا ما عندي مانع وسلامتك :)

رهييييب هالمقلب

[الصهد]

احبك في الله ياوجودك يكفي بكون صريح معاك مراقب لا يناسبك
اشوف لو تصير اداري افضل
ياخي تنازل لي عن المراقب وانت كلم الاداره يحطونك
نائب المدير العام وشرايك وسلامتك

صباح الخير يالصهد واحبك الله الذي أحببتنا فيه
لايامعود مالي ومال نائب المدير والتعب ووجع الراس
خلني على كذا ولو الود ودي بقيت في قسم الالغاز
ومدام رشحوني مراقب أتمنى أكون عند ثقة الإدارة
وبالنسبه لك تستاهل كل خير وأتمنى في الترقيات القادمه يرشحونك مراقب عام
احترامي

[الصهد]

اخوي الماجد اسعد الله مسائك بكل خير
رئيس لجنه الاعلام ولا نشوف لك تفاعل الا قليل
مدري وش قصتك وانا انزل اخبار طازجه
ماتشوف ان احق منك باالمنصب وش رايك تنازلي وتصير عضو عادي
ولا يهمك راح ارشحك واكلم الاداره يشوفون لك منصب يليق بك
ولا وشرايك اتوسط لك في جريده الرياض ولا الجزيره
ويحطونك كاتب عندهم تقبل مصارحتي بصدر رحب

وسلامتك تحياتي وتقديري

مساء الورد
هلا وغلا بإعلامينا المميز
مشرف الاعلام البدر مو انا
ومهمة اللجنة الاعلامية التأكد والمتابعة لما ينشر في الأقسام كلها
وليس قسم الاعلام وحسب
وإذا عندك وظيفة لي ما هي بشينة ههههههههههههههه
أحبك يالصهد وأحب سواليفك

[الصهد]

الصهد
يسعد مسائك نجم سهيل كيف الاحوال طيبين ان شاء الله
بصراحه مشرف على قسم الفكر والكلمه
ولا نشاهد لك حضور يذكر وتفاعل مع الاعضاء الا القله
ماتشوف طال عمرك اني احق منك بهذا المنصب
وانت شف لك منصب ثاني وانا راح اكلم الادارة يرقونك
اداري ولا مدير الموقع وتبي نصيحتي
لو تشوف شغله غير المنتدى في العقار اعتقد راح يناسبك
وسلامتك تقبل مصارحتي بصدر رحب تحياتي

ممكن

[وجودك يكفي]

هههههههه الله يعطيك العافيه يالصهد

[الصهد]

المشاركة الأصلية كتبت بواسطة وجودك يكفي هههههههه الله يعطيك العافيه يالصهد

دوم الضحكه
الله يعافيك وجودك يكفي
واللي سلم نايف تراحيب وابو سعد فكهم الله

تحياتي وتقديري

[الصهد]

مساء الخير البدر وحي الله مشرفنا الرائع

بصراحه يالبدر حاطينك مشرف وانا احق منك بهذا المنصب

وانا اسبق الحدث بتنزيل الاخبار وانت تنقل

وراح اكلم لك الاداره يشوفون لك منصب يليق بك

وتبي نصيحتي لو ترزق الله منا ولا منا افضل لك من المنتدي

يمدحون الاسهم طقطق فيها وراح يوفقك الله

تقبل مصارحتي بصدر رحب اخوي وسلامتك

وانت سالم خخ

خذ البشت وادهر يابعدي ..

لكن لاتنسى كل مواضيع التغطيات ..

همسه لخوي البدر عزيز وغالي يالبدر
وان شاء الله وضحت الصوره لك

[الـمـلـكـي]

هههههههه

يعطيك آلعآفيه عزيزي آلصهد على آلموضوع آلفكآهي

وأحيي الإخوآن على رحآبة صدورهم

لك آلتحيه,’,’,