اصبرعلى الجاهل بعقل وعـزيمه

[جهز الهرس]

هذه القصيده لاحد الابناء
لعدم ذكر اسمه لتكون نصيحه عامه

يافلان لاتسهر ترى السّهّر محذور
.....................انصحك وانته تحسبنه غـنيمه
اسمع كلام ابوك وتصير مشكور
.......................نصيحت الوالد ترها عـظيمه
لياصرت ما تفهم ولاتسمع الشور
.....................عند العرب تراك مثل البهـيمه
ماكل مرضان ٍ يداويه دكتور
................ومن لايعرف العلم صعب اتعـليمه
يقوله ابن حميد في بيت مشهور
......................شيخ ٍ توفى فالعصورالقديمه
رجال ذكره حي والجسم مقبور
..................ورجال حي ولاحسبوا له بقـيمه
لاتصيرمثل اللي يقلط على السور
...................خلك حشيم وخل نفسك حشيمه
واحذرتصير برفقت اللاش مغرور
...................يضحك بوجهك تحسبنه صتيمه
يضحك معك بالوجه والقلب مجدور
.................من المرض يفرح عليك بهـزيمه
وقت الرخا طيب وفاللازم يبور
.................ليا احتجت له يذب عنك الخـريمه
خلك مع الاخياروتصيرمسرور
.................اهل الكرم واهل العـقول السليمه
وألاذن لاتسمع بها هرجت الزور
...................وامسك لسانك لاتقول الضليمه
على الخطا والضلم ما انته بمجبور
...................لسانك حصانك جوده بالشكيمه
ولياحصلك كلمت ٍ تجرح شعور
.....................لاتنفعل ترى العواقب وخـيمه
خلك حليم وهد الاوضاع بالفور
...................لاتصيرنارن ولعت في هشيمه
الصبر زين وراعي الصبرماجور
...............اصبرعلى الجاهل بعقل وعـزيمه
خله يولي عنك وابليس مدحور
.................يخطي على غيرك وياخذ قسيمه
وليا مسك حلقك هاك الوقت معذور
...................مكّن صوابه بالعظام الصميمه
لياظربت اظرب على مشّت الزور
.................عسى الجبان ام ً ذخرته عـقيمه

[وجودك يكفي]

قصيدة وافيه وجزله

صح لسانك ياجهز الهرس وبيض الله وجهك

[ابو معيوض]

صح لسانك وبيض الله وجهك

[أنثى نادرة]

الصبر زين وراعي الصبرماجـور

اصبرعلى الجاهل بعقل وعزيمـه

خله يولي عنك وابليـس مدحـور

يخطي على غيرك وياخذ قسيمـه

طرح هادف وقيم

قصيده تستاهل التقييــم

تــم التقييم ؛؛

[عزالرفيق]

صح لسانك قصيده جزله وساميه في مضمونها

[الـمـلـكـي]

يعطيك آلعآفيه يآلهرس

صح لسآنك وبيض الله وجهك

لك آلتحيه,’,’,

[رغدالشيباني]

صح لسانك يابوبجاد

إحترامي

[الســامي]

.:/:. جهز العرس .:/:.

صــح لسـانكـ .. واعتلا شانكـ

صـح ذوقكـ

دمت بما تحب ..

[جهز الهرس]

وجودك يكفي
ابو معيض
انثى نادره
عز الرفيق
الملكي
رغد الشيباني
السامي
صح ابدانكم جميعاً

وشكراً على مروركم

وتقبلو تحياتي

[عبدالعزيز الفرج]

صح لسانك ياجهز ملايين


وهالنصيحة ماهيب لولدك لحاله ،، لنا كلنا لعظم فائدتها وشموليتها على أغلب الأمور


دمت بكل ود ،، لاهنت