سلامة الشعب بسلامة وصوله

[مناحي الفرزه]

يامرحبـا ياغاليـن شـوف زولـه=شوف السعد والخير في طيب الفال
يامرحبـا ياللـي عليـنـا قبـولـه=مثل الحيا لاقبل على الارض همـال
زعيـم دولـه لا ولاكـل دولــه=دوله لها في رايـة العـز منـزال
ملك وكـل الشعـب يلتـف حولـه=مثل الابو والشعب كله لـه اعيـال
لا مايفـرق بيـن ذولـه وذولــه=والشايـب يناديـه ياعـم يـاخـال
يمسح دموع اللـي همومـه تغولـه=وبيدينـه الثنتيـن يقتـص الاقفـال
همه رضـى رب الخلايـق ينولـه=وخدمة حجيج الله على الحل والحال
خادم حرم مكـه ومسجـد رسولـه=اكبر شرف عنده ومنطـوق ينقـال
ويشهد على ماقلت انـا لـه فعولـه=والارض تشهد في مشاريع واعمال
ماهـو كلامـن بالمجالـس نقولـه=هـذي حقيقـه والحقايـق بالافعـال
واخذ له بنفسه مـع النـاس جولـه=وسط البيوت اللي من الفقر تنهـال
عبدالله الي وان بـدت لـك فعولـه=في عهدة الميمـون بالمـدح تحتـال
صرف على البنيه وكـب السيولـه=ونبتت مدن طالت على روس الاقذال
لين الرضى خيـل علينـا سدولـه=وتبين المحصول مـن زرع الامـال
صارت صحاري مملكتنـا خجولـه=من كثر ماجاها من الخيـر والمـال
وتشوفهـا مثـل المهـاة الجفولـه=اللي بريضان الرخاء راسهـا طـال
ولاعـاد بالممشـى يبيلـك ادلولـه=كثر المعالـم خلـت العيـن تهتـال
وسلامة الشعب بسلامـة وصولـه=لارضن غلاها ورث بقلوب الاطفال
حياك ياراس الفخر حـي الرجولـه=في ديرتك وصدور شعبك لك احلال

[عادل العصيمي]

مناحي


صح لسانك على القصيدة الجزلة والمعبرة


تحياتي


,

[مناحي الفرزه]

عادل العصيمي

صح بدنك اخوي الغالي