سرقت لكم آحدى روائع الأمير الشاعر الشاب : عمر بن عبد الرحمن بن ربيعان

[عذب السجايا]

تمتعو فيها وادعولي أن ربي يسامحني على السرقه

مدخل
انسرق قلب الأمير ومابقى غير القصيده
ليش مانسرق قصيده مثل مايسرق فؤاده



[poem=font="simplified arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black""]
انا دخيلك برمشك لآ تبلآني=عيونك الفاتنه وخر بهآ عني
مفعول رمشك مثل خاتم سليماني=يطيعه الانس ويخضع له الجني
مريت في المملكه يا زين عجلأني=وراك ترجع وقلبي تسرقه مني
سرقة قلبي معك للـ عالم الثاني=وبسهآم عيناك ترميني و تطعني
نسيت جنسيتي واسمي وعنواني=واصبحت من شوفتك مجنون ويغني
اباحتمل منك لآ صديت ما جاني=لآنك لوعدتهآ لاعاد تضمني
[/poem]

مخرج
زار برج المملكه واستيسـرة قلبـه عنيده
كيف لو في نجد صادف من وصوف الريم غاده

[الأدميرال]

الله يسمح خطاك ويكثر من سرقاتك للقصيد الحلو
وصح لسان عمر ولاهنت ياعذب السجايا

[عذب السجايا]

المشاركة الأصلية كتبت بواسطة الأدميرال الله يسمح خطاك ويكثر من سرقاتك للقصيد الحلو وصح لسان عمر ولاهنت ياعذب السجايا

هلا اخوي فيصل
نورت الصفحه شاكر لك

[الركــن]

صح لسان الشاعر وبيض الله وجهك على النقل المميز

[.*إنـْسَـآن عَـآدِي*.]

صح لسآن آلآمير ، مدد بلا عدد ،
وصح نقلك يآعذب آلسجآيآ ، وتكرم عن آلسرقة وآنآ آخوك ..

[عذب السجايا]

المشاركة الأصلية كتبت بواسطة .*إنـْسَـآن عَـآدِي*. صح لسآن آلآمير ، مدد بلا عدد ، وصح نقلك يآعذب آلسجآيآ ، وتكرم عن آلسرقة وآنآ آخوك ..

منور يالزيادي
شاكر لتواجدك

[شيخ الشيوخـ]

صح لسان الشاعر وصح لسانك على البيتين

وابعلمه عليك :)


لاهنت وجعل عمرك طويل
والسرق والعلوم الرديه بعيدةٍ عنك

[عذب السجايا]

المشاركة الأصلية كتبت بواسطة شيخ الشيوخـ صح لسان الشاعر وصح لسانك على البيتين وابعلمه عليك :) لاهنت وجعل عمرك طويل والسرق والعلوم الرديه بعيدةٍ عنك

وعنك يالأمير
تواجد دائم ان شاء الله

[رشيد الكسر]

مدخل

[poem=font="traditional arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحرامي مايتوب وطبعه السيء يعيده = وان نشدته ليه سارق قال طبعٍ صار عاده
[/poem]
صح لسانك ولسان الشيخ ابن ربيعان
وكثر من السرقات اللي مثل هذي ( تكرم عن السرق )


مخرج
[poem=font="traditional arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
اشهد ان عذب السجايا جاب الابيات الفريده = والشعر بحرٍ عميق وشيخنا يقدح زناده
[/poem]

[عذب السجايا]

المشاركة الأصلية كتبت بواسطة رشيد الكسر مدخل الحرامي مايتوب وطبعه السيء يعيده = وان نشدته ليه سارق قال طبعٍ صار عاده صح لسانك ولسان الشيخ ابن ربيعان وكثر من السرقات اللي مثل هذي ( تكرم عن السرق ) مخرج اشهد ان عذب السجايا جاب الابيات الفريده = والشعر بحرٍ عميق وشيخنا يقدح زناده [/poem]

مدخل
كل شخص له شبيه وكل ند له قنيده
يلتقون إذا حداهم ماقدر ياصل مراده

منور يالكسر
واشكرك كل الشكر ع المداخلة الفاخره صح لسانك مدد واقسم انها عندي اجمل من تحفة العاج بيض الله وجهك حتى ترضى ..
وماعليك زود

مخرج
والكسر شاعر قدير وقل مايوجد نديده
اشكره من كل قلبي شكر يقبل للزياده