غرب اربعين النسيم

[فهيد مقعد الرويس]

اليكم بعد السلام عليكم من الجديد لتواصل مع منتدانا الشامخ عسى ان تجد شي من الاستحسان

[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
يالشعر دليتني مسكان ابورامي=مشكور لولاك ماكناعنيناله
لاهوجنوب الرياض ولاعنه شامي=غرب اربعين النسيم وبنده اشماله
يبعدعن اول اشاره رمية الرامي=بيته يشرف عزيز النفس مدخاله
ماجيت خالد واناجايع ولاضامي=جيت اتشرف بعرفه واسمع امثاله
لقيت سلم الوفا والطيب قدامي=في مجلس فيه خالد يبهج اقباله
ناره توقد عليها شغل الاشوامي=ادلال رسلان ولهن جند عياله
ذا معه دله وذا بالمطيبه قامي=ولاهي غريبه على خالد ولاامثاله
شاعروله بالكرم والطيب مرسامي=نوادره من سمعها ينشرح باله
اله التحيه عدد ذعاع الانسامي=مني عبرمنتدى البيطار تهداله[/poem]

مردود الشاعر خالد البقمي

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يافهيد حيت . واقلط يابن الاكرامي = الباب مفتوح . والنيران شعاله
سلمٍ لنا ياولد من ماض الايامي = تطور الفكر. والمبدا علي حاله
والطيب واجد . وبين العالم اقسامي = في كل دارٍ ترا حقه من ارجاله
وتراه يوم تركز فيه الاعلامي = لازارني طيّبٍ مثلك . وانا خاله
ليت الهواوي معك سير بالاقدامي =حيث ان فالك علي الجزله مثل فاله
ياحي ذاك القبال. وسبعة انعامي = لاطال راس ابن عمك عزك اضلاله
مقداركم شط بكرةٍ فقارها زامي = والآ قعودٍ يودا الذبح باعقاله
وانتم عتيبه رجال الموقف الحامي = قلته وغيري كثير من العرب قاله
ومن يفعل الطيب ذكره بالثنا دامي = واللي فعل شي غير الطيب يشتاله

[/poem]

[فهيد مقعد الرويس]

حاولت انسق قصيدة الشاعر خالد

تطلع معي في استعراض المشاركه نفس تنسيق ابياتي لكن عندما اعتمدالتعديل تغير بشكل هذا لكن اقبلوها

كماهي او اللي يعرف السبب من الاخوان ياليت ينسقها

تحيتي وتقديري للجميع

[شـوآق]

وعليكم السلام ورحمه الله وبركاته


يسعدني تواجدي الاول بـ هالرائعه
صح لسسانك يابو مقعد وبيض الله وجهك



لاهنت ولاهان البقمي / صح لسانه

[فهيد مقعد الرويس]

المشاركة الأصلية كتبت بواسطة شـوآق وعليكم السلام ورحمه الله وبركاته يسعدني تواجدي الاول بـ هالرائعه صح لسسانك يابو مقعد وبيض الله وجهك لاهنت ولاهان البقمي / صح لسانه

واناكذلك اسعدني

تواجدك ياشواق

وصح بدنك

تحيتي وتقديري

[وجودك يكفي]

صح لسانك يابومقعد وصح لسان ابورامي وبيض الله وجيهكم

[فهيد مقعد الرويس]

المشاركة الأصلية كتبت بواسطة وجودك يكفي صح لسانك يابومقعد وصح لسان ابورامي وبيض الله وجيهكم

صح بدنك

ياوجودك يكفي

ولاهنت على التواجد

تحيتي وتقديري

[؛؛ابو ريناد؛؛]

لاهنت يالقرم ولاهان خالد

[فهيد مقعد الرويس]

المشاركة الأصلية كتبت بواسطة ؛؛ابو ريناد؛؛ لاهنت يالقرم ولاهان خالد

ومن قال لاهان

يابوريناد

تحيتي وتقديري

[عبدالله المرشدي]

الله الله

صح لسانك يابومقعد

ولسان البقمي

صراحه ابداع

خاصه خريطة المنزل

تحيتي وتقديري

[فهيد مقعد الرويس]

المشاركة الأصلية كتبت بواسطة عبدالله المرشدي الله الله صح لسانك يابومقعد ولسان البقمي صراحه ابداع خاصه خريطة المنزل تحيتي وتقديري

صح لسانك

يابوبدر

والابداع تواجدك

تحيتي وتقديري