اطى على الموت لو حاطت بي اخطاره ,,,

[البارع]

تحياتي للجميع من الجديد الحاااااضر :

[poem=font="simplified arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحق اقوله ولاعندي بمخطوره=واطى على الموت لوحاطت بي ا خطاره
الليل خيم وصافحني بديجوره=واظلم محل ن منول تنشعم ناره
ماعاد اظنه يعود ال ..ماضي عصوره=من يوم طقو في هاك العود مسماره
ولافيه باقي نقول ايكمل الصوره=والمشهد اعيشه ابمجموعة ادواره
اليوم وصلت علوم مدبر الثوره=ولوكان مابان راسه جتني اخباره
والمجد ماهو مكان ن مظلم ن نوره=المجد للي يبين امع اول الغاره
والعز عز النفوس وضعفها خوره=وياكثرفي هالزمن من ناس خواره
من يم مكه ديار الخير ممطوره=وبالدار هذي ماقيل السحب مراره
وش جاب جنه وخير واقوام منصوره=للي على غرة الاصحاب دواره
مافيه رجال واحد يرتضي جوره=لوتاصل السالفه لسيوف جزاره
خليت نفسي مع الهافين مغروره=واطلقت كفي مع الوافين مدراره
هذا دستوري وفكري ومنظوره=وكل ن مباديه تظهر ويش مقداره
ناس ن لها انقول يالاجواد مشكوره=حنا درينا ماهي في ايديكم الطاره
واعداد نرفع عتبنا هي معذوره=مادام مااوحو كلام الجار مع جاره
البيت راعيه قرب ينتهي دوره=ويخر سقفه على راعيه واجداره
علمني الوقت ميلاته ومسطوره=واخذت طله على منظومة اسراره
الحمدلله ماعشت ابوسط مقطوره=ولاهو نظامي ولااحبه ولااختاره
لكن طقق ياراع اللعب بالكوره=وعان البزارين تبغى اللعب فالحاره
الخط طول على ماشه ومخطوره= ولاعاد يصفي لراع الرد مشواره
[/poem]

[البارع]

.....( للمشرفين ارجو نقلها الى قصائد الاعضاء).....

[عذب السجايا]

وعليكم السلام ورحمة الله وبركاته
وكل عام وأنت بخير

ابشر يالبارع
تم النقل
وصح لسانك على هالمنظومه المبطنه

[البارع]

المشاركة الأصلية كتبت بواسطة عذب السجايا وعليكم السلام ورحمة الله وبركاته وكل عام وأنت بخير ابشر يالبارع تم النقل وصح لسانك على هالمنظومه المبطنه

لاهنت ياعذب السجايا على النقل ومروركــ العطر ,,,

وعادت عليكــ الاعياد كل عام بالخير والمسرات اعوام عديده وازمنة مديده

وتقبل الله منا ومنك صالح الاعمال ,,, تقبل تحياتي القلبية الصادقه ,,,

[البارع]

,, تكرار في الرد على المشاركه وتم الغاء الثانيه منها ,,,

[روقي قرم]

لله درك يالبارع

قصيده جزلـــه ماعليها كلام
ملاحظه بسيطه ممكن سهيت فيها

((الحمدلله ماعشـت ابوسـط مقطـوره))

انا اتعلم منك طال عمرك ، ملاحظتي على هالشطر فيه كسر واضح

الاصح( الحمدلله ماني ابوسط مقطوره)

احترامي لشخصك

[البارع]

المشاركة الأصلية كتبت بواسطة روقي قرم لله درك يالبارع قصيده جزلـــه ماعليها كلام ملاحظه بسيطه ممكن سهيت فيها ((الحمدلله ماعشـت ابوسـط مقطـوره)) انا اتعلم منك طال عمرك ، ملاحظتي على هالشطر فيه كسر واضح الاصح( الحمدلله ماني ابوسط مقطوره) احترامي لشخصك

حيااااكــ ياروقي قرم واشكر لك مرورك العطر يالغالي ,,

والشطر اعلاه سليم ميه بالميه ,, بس شكلك ماقريت (الله) بالتشديد لذلك بتطلع مقصوره

لكن اذا قراتها بالشكل الصحيح استقام البيت ,, وهذا لايعني اني فوق النقد قد اكون مخطي

وقد اكون مصيب ,, تقبل تحياتي يالقرم ,,

[روقي قرم]

غنيته مره ومرتين وثلاث

الحمد لله ماعشت ) >عال العال الى هينا

لما اضيف ابوسط اكع فالشطر

ممكن اني ماضبطته

اكيد صح عليك دامه ضبط معك باللحن

العموم قصيده ماعليها كلام

صح لسانك وعلى شانك

[عبدالله المرشدي]

البيـت راعيـه قـرب ينتهـي دوره

ويخر سقفه علـى راعيـه واجـداره

علمنـي الوقـت ميلاتـه ومسطـوره

واخذت طله علـى منظومـة اسـراره

صح لسانك يالبارع

جميله جميله جدا جدا جد

تحيتي لك

[البارع]

المشاركة الأصلية كتبت بواسطة عبدالله المرشدي البيـت راعيـه قـرب ينتهـي دوره ويخر سقفه علـى راعيـه واجـداره علمنـي الوقـت ميلاتـه ومسطـوره واخذت طله علـى منظومـة اسـراره صح لسانك يالبارع جميله جميله جدا جدا جد تحيتي لك

صحت ابدانكــ يابو بدر ,,, والجمال يكتمل بوجودكـــ

هنا ,,, لاهنت على المرور ,,, تقبل اجمل تحيه ,,,