الرجم

[معوض سودان]

الرجـــــــــم

[poem=font="arial,4,blue,bold,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black""]
أمس الضحى في عالي الرجم عديت=بالنايـف اللـي جيـت متعنيـلـه
شالتني العزه ولـد ذايـع الصيـت=عـن الطمـان لهامـة مستقـلـه
وايقت في روس الطـوال وتعليـت=بـا مشوهقـاتٍ يشبهـن الاخـلـه
يومي على راس الطويله تساويـت=في عالـيٍ غـر السحايـب تضلـه
للكـوع لفيـت العمامـه وتكـيـت=عـن الحصـاه شماغـي وقايتنلـه
وقدحت في راس الزقـاره بكبريـت=وحذفت عـوده مـع صفـاةٍ مزلـه
كيفت من كيف الشيـوخ العناتيـت=مخطي خطاهم فـي حرامـه وحلـه
الكل يخطي والله أخطو وأنا أخطيـت=محـدٍ يقـول المخطيـه قدوتـلـه
صاحي لحالي في خطايـه واقريـت=ياليت مـن يخطـي يقـر بخطلـه
لولا خطايا الناس للرجم مـا جيـت=يارجـم قـول لميـت القلـب قلـه
قلـه وكملـت الكـلام بتناهـيـت=زفرة حدم هزت حصا الرجـم كلـه
يوم احتشى صدري من الضيق ناديت=شاعـر ونـادى للمثايـل وجـلـه
جني وفـي جـزل المثايـل تنقيـت=ورزملهـن قلـب العنـا ورزمـلـه
أمـرد نماريـد الشعـر والعفاريـت=أطوعـه واسـم علـيـه الأهـلـه
واودبة يمشي على كيف مـا شيـت=وأرفع مقـام القـاف عـن مايذلـه
اختار معنـى كلمتـي وازن البيـت=ثـم اندبـه والعلـم للـي ا رسلـه
لاشك أنـا فـي كلمتـي ماتعديـت=حـدي وقافـي جـرد وانــا هلله
لا قالـوا العريـف عـزالله أقديـت=هـذا شـداد العـود وانـا محـلـه
عـودٍ بذكـره يالنشامـا تنشميـت=وابني جزيل القاف كلـه وفـاً لـه
شربت من هـداج أبـوي وترويـت=والــدرب فالحـنـان متـصـملله
وسقت القدم مع سوقة الفجر واقفيت=على نبراح الشوف والـدرب ادلـه
فجر المـدارك ساطـع كنـه الليـت=وعين العقل تقـداه مذهـب وملـه
من ماجرالي في حياتـي وعانيـت=وحبـل النشـب لابـد ربـك يحلـه
يـا زينهـا لامـن بالعـز هفـيـت=فنجـال عـز وتشربـه مستـولـه
صانيت عوب الغيض لانني ازريـت=وتقصعـن للقلـب عـوبٍ تتـلـه
تلـة فـرازٍ تلهـا بالرشـا هـيـت=وتصافـق الجيـلان مـن تلتـلـه
يمعكبها روس الحيـوف النواحيـت=وتبزلـت والمـاي قامـت تشـلـه
واصبحت حالي حالها يـوم غنيـت=قـال المغنـي شـي ممـا حصلـه
تفجـرت جوفـي قنابـل دنامـيـت=فجرت خفايـا مـن فقـد عزوتلـه
تلعبي الدنيـا وتسنـد لبـا الفيـت=وادور ابــا الفـيـت مترصـدلـه
اثـره مصـدر للخبـاث الطواغيـت=اللـي لهـم شـذب المقفـي جبلـه
سـده جويـد ومـدرقٍ للخراتيـت=محبـالـة الأنــذال والله حبـلـه
واليوم ياربـي لـك الحمـد عفيـت=نفسـي وهـراج القـفـا فاطنـلـه
ومن فكه الله من جناب الشواميـت=من حيث ماهـب الهـوى جايزلـه
يالله يالـي فـوق عرشـك تعليـت=يامن سجدلـه كـل شـي خشيتلـه
انك تعين الحـي وتسامـح الميـت=وتضلنا يوم الحشـر تحـت ضلـه
عبدك وثبتني علـى الحـق تثبيـت=بالديـن والدنيـا تثـبـت خطـلـه [/poem]

[فيصل بـن طعيس]

معوض يامرحبا مليون يالذيب



والله يحيك وصح السانك لين ترضى




تقبل مروري

[معوض سودان]

المشاركة الأصلية كتبت بواسطة فيصل بـن طعيس معوض يامرحبا مليون يالذيب والله يحيك وصح السانك لين ترضى تقبل مروري

يا هـــــلا والله

صح بدنــــك ولا هنت على المرور

تقبل تحياتي

[بنت الهيــــلا]

صح لسانك ودمت ولاهنت ولاهان حرفك الجزل

ابيات راقية وسبك شاعر مبدع

متابعتي وإعجابي ..

[رغدالشيباني]

صح إلسانك يامطيري

أبدعت.