لا..تامن العقـرب ولاتامـن الـداب .. السمّ واحـد لا..رقـا فـي متونـك

[بنت الهيــــلا]

مدخل

شرهتي ما تلحق الا طويلين الشبور
من قصر دون المواجيب مانشره علاه

الردي لامن تردى دبورن في دبور
مانشدنا عنه ولا تقصينا رداه

نتركه ونكب هرجه ونسفه ويغور
عل بقعا من الصواديف تفرش له عباه

ما نضيّع وقتنا في تفاهات الأمور
نسحب السيفون فوقه ويعطينا قفاه

مار راع الطيب لامن بدر منه قصور
نلحقه شرهه ونشره و ندمح له خطاه

أن زان لك وقتك تخير بـالأصحاب
...............وان شـان وقتـك كلهـم مايبـونـك

أن جيتهم قامـو يحـدّون الأنيـاب
..............وان رحت عنهـم بالقفـا يشذبونـك

لا..دبّـرت دنيـاك والحـظّ ماطـاب
.............الناس لا..مـن طحـت مايرحمونـك

أهل السيوف اللي يقصّون الأرقاب
................. أمّـا كفاهـم واقـعـك يظلمـونـك

لا..تامن العقـرب ولاتامـن الـداب
................السمّ واحـد لا..رقـا فـي متونـك

ياجاهل الدنيـا ودورات الأسبـاب
.............أعرف ترى من خان غيرك يخونـك

لو كان لك ربع(ن) موالين واحبـاب
...................لابدّهـم عقـب الـغـلا ينكـرونـك

وقت(ن) يشيّـب بالمخاليـق ماشـاب
.................أسأل رجـال(ن) جرّبـو يخبرونـك

(واحذر تخاوي كـل هافـي وكـذّاب
............... أهـل الـردى بطبوعهـم يطبعونـك )

أرفع مقامك عن ردييـن الأ نسـاب
.................لو شفتهم فـي حضرتـك يمدحونـك

فارق ثراهم وارق في راس مرقـاب
..................أبعد عن اللـي لونهـم غيـر لونـك

خلاّن مـال ومالهـم ربـع واقـراب
.......................لاقـلّ مالـك عـدّهـم يكرهـونـك

أعتاض فيهم من طويليـن الأشنـاب
.....................اللـي الـى مـال الدهـر ينفعونـك

لاصكتـك دنـيـاك وافـتـرّ دولاب
...................بانـت مواقفـهـم ولا يرخصـونـك

هذا رفيقـك مـن قريبيـن واجنـاب
...................ذخرك وهم في واجبـك يذخرونـك

عندك قريبين (ن) ولو قلـت غيّـاب
................على صدى صوت النـدى ياصلونـك

ياللي سمعـت العلـم لاتفتـح البـاب
..................لاتنحشر في شـي ماهـوب شونـك

ربعك ألى من شفتهم صارو احـزاب
...................وتشـاورو بالـراي والعلـم دونـك

لاتبدي برايـك عليهـم ولـو صـاب
...............لو صحت باعلى الصوت مايسمعونك

ومن لاحسبّلك لاتسـوي لـه حسـاب
...............لو كان يسوى وحدة(ن) مـن عيونـك

لو كان يسوى وحدة(ن) مـن عيونـك
................ لو كان يسوى وحدة(ن) مـن عيونـك
............................... لو كان يسوى وحدة(ن) مـن عيونـك

مخرج

أشهد أن الطيب مايقاس بكبار القـدور
كم طيب طاب عرقه وقصر بقصـراه

والله ان الطيب كايد على القلب الجسور
يآصله بالوجه الآبيض ويلحق منتهاه

سعد عين الي توفق ووفق فالحضـور
وطاب فال الي تطيب بأهله وبخوياه

أبن عمـه فاللـوازم يثـوره ويثـور
وصاحبه لا ضامه الوقت دوره ولقاه

مالحقنا فيه شكـه ولاصابـه غـرور
صيرمين من صيارم وذيب في فـلاه

ودك أهل الطيب تسكن بريضان وقصور
وودك الرديان تقتل وتصلب فالصفـاه

النص للشاعر \زابن الدوسري
المدخل والمخرج للشاعر / عبدالله العنزي

:

[إبن ثعلي]

بنت الهيلا مشكوره على حسن الإختيار

[بنت الهيــــلا]

المشاركة الأصلية كتبت بواسطة إبن ثعلي بنت الهيلا مشكوره على حسن الإختيار

العفو والشكر أجزله نزجيه لشخصكم الكريم

كل التقديروجٌل الاحترام

[عذب السجايا]

لاهنتي يابنت الهيلا

[بنت الهيــــلا]

المشاركة الأصلية كتبت بواسطة عذب السجايا لاهنتي يابنت الهيلا

ومن قال، حياك الإله

[شيخ الشيوخـ]

اختنا بنت الهيلا
الحقيقه ان اختيارك يعتبر من روائع الحكم

ذائقه فوق العادة يا بنت الهيلا
لاهنتي وسلمتي على النقل المميز

[بنت الهيــــلا]

المشاركة الأصلية كتبت بواسطة شيخ الشيوخـ اختنا بنت الهيلا الحقيقه ان اختيارك يعتبر من روائع الحكم ذائقه فوق العادة يا بنت الهيلا لاهنتي وسلمتي على النقل المميز

ويسلمك ع الحضور الذي أزدان بها متصفحي وابتهج

أطيب التحايا وأرق الأمنيات

[ناصر بن سعدي]

كل الشكر لك إختي / بنت الهيـــلا ..

وإختيار فوق الوصف .. والله لايضر شاعرها وصح لسانه ..

عز الله إن يسبك ذهب ,,

ومن واقع التجارب لله دره وكفى ,,

[بنت الهيــــلا]

المشاركة الأصلية كتبت بواسطة ناصر بن سعدي كل الشكر لك إختي / بنت الهيـــلا .. وإختيار فوق الوصف .. والله لايضر شاعرها وصح لسانه .. عز الله إن يسبك ذهب ,, ومن واقع التجارب لله دره وكفى ,,

حيا هلا بن سعدي والحمدلله على السلامه


فعلا شاعر يمتلك جزالة الكلمة وإبداع المعنى يستحق المتابعه والثنا

أثمن لك تشريفك وعبق تواجدك النير لاهنت

[أتعبني فراقك]

أبيات أكثر من راائعه ..

صح لسان قايلها وتسلم يمينك على النقل..

أرق التحااياا