صباح/ مساء الشعر
/
/
هذه القصيدة للامام تركي بن عبدالله آل سعود ف(راعي الأجرب) والاجرب هوسيفه يقول راعي الاجرب:
طارالكرى عن موق عيني وفرا ** وفزيت من نومي طرالي طواري
وابديت من جاش الحشا ماتدرا ** واسهرت من حولي بكثر الهذاري
خط(ن) لفاني زاد قلبي بحرا ** من شاكي (ن)ضيم النيا والعزاري
سر ياقلم وإكتب على ماتورا ** أزكي سلام لإبن عمي مشاري
شيخ (ن) على درب الشجاعة مضرا ** من لابة(ن) يوم الملاقا ضواري
ياما سهرنا حاكم ما يطرا ** واليوم دنيا ضاع فيها افتكاري
أشكي لمن يبكي له الجود طرا ** ضراب هامات العدا مايداري
ياحيف ياخطوالشجاع المضرا ** في مصر مملوك لحمر العتاري
من الزاد غاد له سنام وصرا ** من الذل شبعان (ن) من العزعاري
وش عاد لوتلبس حريرٍ يجرا ** ومتوجٍ(ن) تاج الذهب بالزراري
دنياك يابن العم هذي مغرا ** ولاخير في دنيا توري العزاري
تسقيك حلو(ن) ثم تسقيك مرا ** ولذ اتها بين البرايا عواري
إكفخ بجنحان السعد لاتدرا ** فا لعمر ما ياقاه كثر المداري
مافي يدالمخلوق نفع وضرا ** ما قدر الباري على العبد جاري
وإسلم وسلم لي على من تورا ** وأذكر لهم حالي وماكان جاري
إن سايلوا عني فحالي تسرا ** قبقب شراع العز لو كنت داري
يوم إن كل من عميله تبرّا ** حطيت (الأجرب) لي عميل مباري
نعم الرفيق إلى سطا ثم جرا ** يودع مناعير النشامى حباري
رميت عني برقع الذل برا ** ولاخير في من لايدوس المحاري
يبقى الفخر وأنا بقبري معرا ** وأفعال تركي مثل شمس النهاري
أحصنت نجدعقب ماهي تطرا ** مصيونة عن حر لفح الضواري
ونزلتها غصب بخير وشرا ** وجمعت شمل(ن) بالقرايا و قاري
والشرع فيها قدمشى واستمرا ** ويقرا بنا درس الضحى كل قاري
زال الهوى والغي عنها وفرا ** ويقضي بها القاضي بليا مصاري
وإن سلت عمن قال لي لاتزرا ** نجد(ن) غدت باب بليا سواري
ومن آمن الجاني كفى ماتحرا ** وتازي حريمه بالقرايا وقا ري
واجهدت في طلب العلا لين قرا ** وطاب الكرى مع لابسات الخزاري
من غاص غبات البحرجاب درا *** ويحمد مصابيح السرى كل ساري
وأنا احمد اللي جاب لي ماتحرا ** واذهب غبار الذل عني وطاري
والعمر مايزداد مثقال ذرا ** عمر الفتى والرزق في كف باري
وصلاه ربي عد ماخط بالرا ** على النبي ماطاف بالبيت عاري
راقت لي ..
| 
|
08-24-2010, 02:51 AM
العرض المتطور
