ياراكب الباثفندر

[عبدالعزيز الفرج]

السلام عليكم ورحمة الله وبركاته


كل عام وأنتم بخير



صبحكم / مساكم الله بالخير



هذي طول الله عماركم ابيات سويتها ايام الحرب على الحوثيين وأرسلتها لمحمد بن ضيف الله ورد عليّ


أبياتي ::

[poem=font="Traditional Arabic,5,red,bold,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black""]
ياراكب الباثفندر وأنت راعيّه = هاك الرسالة ووصلها لأبو نايف
قله ترى صاحبك محتار فالنية = يبغى اليمن مير محدي (ن) مهو خايف
احدود الوطن دايماً بالروح محمية = مادامنا ياولد خالي على الـ life
والحوثي اللي يهايط فالجنوبية = له عندنا ضربة المدفع وله knife
ياوقفة (ن) تقهر الناوين بالسية = يفخر بها شعبنا واللي لها شايف
وإلا شهادة شرف ون السعودية = عند الولي ربنا والحور لي wife
جتك الرسالة مع الموتر وراعيّه = وأبي جوابك بسرعة يا أبا نايف[/poem]

رده عليّ ::

[poem=font="Traditional Arabic,5,red,bold,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black""]
يامرحبا مرحبا مليون في مية = بالجيب واللي حمل والشاعر الكايف
شاعر ودكتور وحميا عتيبية = لا والله ألا كفو يالمرقب النايف
الدار نحمي مناطقها الحدودية = ماكل ناوي ردا في دارنا حايف
الحوثي الشيعي الملعون أبو لحيّة = فالحرب خايب وهرج المنهزم زايف
روح متعد الحدود بطلق مشرية = ماجاك غير لحياته كاره وعايف
لبت جميع المناطق لليمانية = من شام لين اليمن من شرق للطايف
والشعب كله يريد إشارة (ن) حية = من يم صقر الصقور القايد الرايف
في مقدم الجيش وصفوفه لأمامية = ويالضيف نطل الجثث تكريمة الضايف
يفداك يادارنا ماتملك يديّه = فدوة لأرض الوطن نايف وأبو نايف[/poem]


وسلامتكم

[م ا ج د]

صح لسانك يالشاعر ،،

وحلوه المداخلات الانجليزيه

thanks doc

[عبدالعزيز الفرج]

ماجد صح بدنك وأنت أحلى


<< عني إذا أنت فاهم منها شيء هههههههههه