اقرب عتيبي

[ولدشبابه الحربي]

سلام الله عليكم ياقبايل نجد ياشجعان
واخصك يالعتيبي واجذبك من بين الاشهادي
اضنك تعرف المعنى وتعرف بنية القيفان
ولايخفاك مايحصل لهم يانسل الاجوادي

[ماجد الخروصي]

مساء الخيرات

ماني من عتيبة لكن الشرف إلنا وتواجدك وسام يالشيخ

وكلنا نكمل بعض

سلام القاف ورعودة تبرق في شهر رمضان


وسهلابك على الطاعة وخير أجتاح لبلادي


ولد شبابه الحربي عزومه ترقى الميزان


شرى فجر الهلال بيوم أول صبح الأعيادي

[ولدشبابه الحربي]

والنعم فيك واستلم

ترانا ياعميلي بالشهر به رحمه وغفران
وترى الجاهل مضيعها ويسمع صوتها الشادي
نبي نلعب معك في ملعبة جيراننا العتبان
واخبرك قدها ياصاحبي من عصر الاجدادي

[ماجد الخروصي]

سميك لا بغى يلعب أكيد أنه بها كسبــــان

أجل وش عاد لا جيتك وخبرك ماهو بعادي

نصحيه وخلها حلقة تصوغها علــــى الأذان

لاجار الوقت وسلومه ما عاد تفيد الأمجادي

[ولدشبابه الحربي]

الله الله
ليا منا لعبنا نعرف الرابح من الخسران
نصايحكم نرجعها عليكم والله الهادي
عليك الله ياماجد تركد مع قوي الشان
تراى بعض العرب ياصاحبي ماتنطح العادي

[ماجد الخروصي]

أنا الأول أنا الأول وبديــــها على القفيـــــــــان

ولا اعرف عن الفاصل ولا أعرف عن البادي

سوى أني مخاشرهـــــــم سهيل ونجمة الميزان

بيدي أحسم النية وقدمها علـــــى العادي

[رشيد الكسر]

الله الله

واصلو

صحة السنتكم

[ولدشبابه الحربي]

ترانا يالخروصي نحسبك من جملة الجيران
بعدما ماصرت تنشد في عتيبه صوتك الشادي
واضنك يالخروصي مبتعد عن دمنة الديران
وزابن في عتيبه يالخروصي ترجي الزادي

[ماجد الخروصي]

يدور الوقت وعلومه وباكر باللحى يفلان

ولنها زادت الكيله معــــــاد يفيد لمنادي

لنوخ كل من حاول يقالط بالزمن سرحان

لعلمه الأحروف الأبجديه وصنـــــــــــع الأيادي

[ولدشبابه الحربي]

لونك يالخروصي معتزي في ربعك الخرصان
تراها مستحـــيله نلمحك في داخـــل النـــادي
لـــكنك عــــود لربعك وخـــلك ياولد فهمــــان
وتراى ريمه قريبه منك دور لك على شدادي