قصيده في المقدم الشيخ / غازي بن عفاس بن محيا

[مقرن بن زقاع]

السلام عليكم ورحمة الله وبركاته

هذه القصيده للشاعر المعروف / سهل بن مناحي الحزيمي
في المقدم الشيخ/ عازي بن عفاس بن عقاب بن محيا
وال محيا هم شيوخ طلحه من الروقه ولايستغرب عليهم وفائهم لقبيلتهم ومواقفهم المشرفه

الشيخ المقدم / غازي بن عفاس بن عقاب بن محيا

[poem=font=",5,black,normal,italic" bkcolor="transparent" bkimage="" border="solid,2,black" type=2 line=0 align=center use=ex num="0,black""]
عسى الله يبيض وجه غازي ولد عفاس=بياضٍ على روس النوايف يشوفونه
وقِف معي راعي الطيب بالماقف الحساس=وفك القفل قدام بابه يصكونه
انا كيف ابجزا راعي الطيب يامحماس=ملكني وروحي للمعاريف مرهونه
هذا راس من روسٍ لهم بالثريا راس=هل الشيخه اللي شمل طلحه يكفونه
هذولا هل الحردا هذولا هل النوماس =شِمخ مجدهم كل القبايل يعرفونه
الا ياذوي عفاس ياطيبين الساس=ترا وكركم مافيه تِبعٍ يعدونه
نوادر زمنكم فرقكم عن جميع الناس=لياقلتوا ابشر كفو والقول تحمونه
سلايل شيوخٍ باللقا تورد العباس=هل الهندي اللي ينسف الراس ومتونه
الا ياهل الماهود والدرع واهل الطاس=كما النايف اللي يقصر اللاش من دونه
صحيح الندا يندا وعرق الندا دساس=توارثتوا امجادٍ من الاجداد مسنونه
وانا لانصيت انصا واعرف الرجال اجناس=نصيت الذي في حزة الضيق ينخونه
اعرف الصديق الصادق الماهر النبراس=بطل فزعته قدام لاجيه مضمونه
ضرب له مثل قدامنا هندي بن غراس=يقول الثمر من خضر الاغصان يجنونه
ترا الجوهره باقصى البحر تتعب الغطاس=بحرها عميقٍ يغرق اللي يغوصونه[/poem]

تحيتي لكل من مر من هنا

[شقرآن]

ونعم وسبعة انعام في المحايا والحناتيش كلهم ..



وبيض الله وجه الشاعر .. ووجهك يابن زقاع

[بن رازن]

صح لسان الشاعر سهل بن مناحي الحزيمي ويستاهل الشيخ غازي بن عفاس بن محيا وليس مستغرب وفاء ابن محيا وهم اسره غنيه عن التعريف ولا بستغرب وفائهم لقبيلتهم والمحيا نعم الحموله شيوخ طلحه شاكرين شاعرنا على حسن القصيده وحسن الاختيار في الشيخ غازي بن عفاس بن محيا

وتقبلو تحياتي اخوكم ابن رازن

[مقرن بن زقاع]

المشاركة الأصلية كتبت بواسطة شقرآن ونعم وسبعة انعام في المحايا والحناتيش كلهم .. وبيض الله وجه الشاعر .. ووجهك يابن زقاع

ووجهك ابيض

لاهنت على مرورك وانا اخوك

تحيتي لك

[الباسل الروقي]

صح السانه قصيده جزله من شاعر جزل

والممدوح يستحق اكثر من قصيده

لاهنت

[إبن ثعلي]

صح السان الشاعر ويستاهل المدح ابن محيا

[النجم الأصيل]

صح لسانه وبيض الله وجهه

ويستاهل ابن عفاس

والمحايا نعم الرجااااال

ويستاهلون هم هل العلم الطيب

ودي واحترامي

[لاطامت العايل]

تسلم يمينك

[اخو هبسه]

تسلم وتستاهل