اعجبتني اتمنى ان تعجبكم
ياوجد حالي عشت وقتن تنقلب فيه العلوم***وجد اليتيم اللي كفيله زاد ظلمة واقهرة
وياوجد حالي كل ما تبدي مشاهيب النجوم***وجد الشجاع اللي بقيد اعداه ذلة واهجرة
سلام ربي عد غيث بشعف مدات الغيـــوم***سلام من بطن السماء الي عند عش القبّرة
سلام والإسلام ربي قال نلفظها لـزوم***سلام حتى للحد وقبور عطف المقبرة
منهو رجا الإنسان فالله غير رجواه معدوم***وأيوب يوم انه رجا ربي فربي صبّرة
تعدنا الأيام عمر وكل يوم يموت يـوم***والله يدري سر عبده ويش علمه وخبرة
والله يخذل من بغى للشر بيبان تقوم***والله يرفع من بغى للخير دربن واعبرة
والله يقول اخفض جناح الذل من رحمة رحوم***ولاتقل أف وعضيدك لاطفه لاتنهرة
البارحة الاشفاع وأنا راسنا يفتر جوم***الله من همن على قلبي عزرني مكبرة
كني الزعيم المنهزم من بعد شنات الهجوم***الي مسح دمعات عينه وسط عج واغبرة
لايالسفينة غارقة والموج في جنبك لطوم***مدري غلط قبطان ولا لوح الأقدار اجبرة
ياحر كبدي واعنى قلبن سهومة من قروم***مثل السلاح الي بيمنا صاحبة يوم اغدرة
قصرن بلى ساس وعمود انطال تاليه مهدوم***والمال مايعبد وعبد المال إلى عاش اعقرة
يانود سفي من عظام القوم خليها عروم***والقبر له حفار والعبد اللحد له يسترة
والعاقل اللي ليطغى واستلهم الرحمن دوم***جر الخطى للحق والمقدي مع الله دبرة
نخطي ولابه غير وجه الله من النقص معصوم***والمؤمن اللي عرف نقصه فلشر اقصرة
والعين ماتعلى على الحاجب ولاتحت القدوم***لوكان نقلب روسها بقرون ثور وبقرة
والضيم مايرضي الحرار ويرتضى عند الرخوم***ومن لايغبر شاربة مادسمة طول ادهرة
وأنا تعلمت من أبي العز للنفس العزوم***والظلم ليساق البعير وقام دقيت انحرة
وين النقى والصدق والعادات طيبت السلوم***ووين العقيد اللي مسح دمعات العساكر واقدرة
ووين الحيود اللي رست في بيرها دفن الدموم***ووين البعير الي لهاته تلتطم في صبّرة
نجم هوى ماينفعك والله ولاكونه نجوم***وما ينفعك (دين المنافق) كان بالصوت اظهرة
وأنا طردت من الظمى ذاك السراب من السموم***وأجيه وأقرب وأبتعد وأزيد شجنه وانظرة
وأدعي وربي مدلي غيثه وعيا لايقوم***إلين نبته شلني من فوق قاعي بزهرة
والوقت ذا غدا زينة مثل الطيور اللي تحوم***من فوق جيفة طايحة دمها من الوقت اهدرة
وآمنت بأن السيف يحمي كيد وشرور الخصوم***واليوم في وجه الرفيق أشوفها له مشهرة
من يامن الدنيا تذله لين تلحقه الثلوم***والقلب عرق ولحمه ماهو بحيد وصخرة
ولولا الله وبعده الأجر ماكان خلق الله تصوم***ماحاج حاج إلا وهو يطلب ويرجي المغفرة
ويلومني من لام وأولى به على نفسه يلوم***والسيئة وحدة وفعل الخير وحدة بعشرة
يامن على الدنيا جريت وتحسب انها لك عموم***العمر يطوى والدهر تفنى سنينة بأشهرة
والرزق عند الله تساوى ماقسط فيها القسوم***مثل النخل لك تمرته والرزق للطرش ابخرة
والطير لو رزقه على حيلة فمرزقة مهضوم***حرام مايأكل مع النسر ويصد بمنقرة
شفت المريض اللي تكعوت بين فرشته محموم***اللي تزيد به الحرارة لين عظمة تصهرة
ذيا المثل الأعلى وله للأدوار والفلك محكوم***إما تموت أو تعتبر من عفو عند المقدرة
وماحدن يساوي الأبن الحر بطاعة العبد الخدوم***ولا يشب العود وأرماس الرماح مكسّرة
وياويش لك في وجه لايضحك ولا بلى يعوم***شبّه على قعنونك اللي بالوفاء ماجمّرة
وإن كان عذرك فرض فالدين أكتمل لك ومختوم***فرض الفجر ياللي مسافر لايجوز أن تقصرة
والذيب ماهرول عبث قنب ولهثى للشحوم***وإلا الضبع رجلة قصيرة دون صيده تعثرة
والذود يأتي له فحل مثل الجبل فيه الوسوم***يبين من رأس وسنام وذيل عراد بعرة
أكرم من الفنجال ياللي تصبه بين قوم***دلتك صافيها من اللي به نشوم مزعفرة
بفج بفج بفج والله قد جعل للخلق في قاعه حزوم***ياقلب والكسر بقزازة مستحيل اتجبّرة
وبأموت والدنيا بعيني صاغرة ماهي بكوم*** حرام ما اكبّر لها قدرن ولا بمعبرة.
فهد بن محمد بن فريك الصقور اليامي
| 
|
07-20-2010, 11:55 AM
العرض المتطور
