عز الله اخطاء من مسميك رجال!!

[البحري]

عز الله اخطاء من مسميك رجال..


جاني يعايرنـي بقولـه: "فقيـره "
قلت الفقر ماهوب فـي قلـة المـال

الفقر هو نقـص العقـل والستيـره
واما بغيرة يـا"...." نستـر الحـال


قال: وعلى فقـرك وكنـك اميـره
تحكي بعز وتمشـي بفخـر" تختـال "


قلت: ايه وازيدك من البيـت غيـره
الله عطاني مـن عطايـاه " مكيـاااال "


وش هو له امشي في حياتي كسيـره
مادامني من خير ربـي انـا "اكتـال "


مـادام مايسجـد جبينـي لغـيـره
أللي خلق ارض وسمـوات" وجبـال "


اللي حباني نـور عيـن وبصيـره
أميز يمين الخطـاوي مـن" شمـال "


مانـي قليلـة فهـم مثلـك غريـره
أمشي عدل واميـل للوقـت "لامـال "


ماغرني صوف الزمـان وحريـره
ومهما يضيق الوقت فيّه أبا" احتـال "


وكانك تعايرنـي بقولـة " فقيـره "
بقول شي(ن)صعب اشـوي ينقـال


صحيـح املاكـك عددهـا كثيـره
صحيح تلبس غتره وثـوب و"عقـال "


بقول لك كلمة ولـو هـي كبيـره:
" عز الله اخطا من مسميك رجّال"!!!

[سما راس الروقي]

قصيده جميله .. وفيها من العزه الشي الكبير .. شكرًا لذائقتك دمت بود

[فهيد مقعد الرويس]

صح لسان شاعرتها

ولاهنت على النقل

تحيتي وتقديري