مساء الورد
شيء من الوجدان ...لقلوبكم المفعمه بالنقاء..
[poem=font="Traditional Arabic,5,white,bold,normal" bkcolor="darkred" bkimage="" border="double,4,white" type=2 line=0 align=center use=ex num="0,black""]
يموت قلبي ولا شفتك تعــّزيني =ياللي ذخرتك ليوم الضيق والحسره
دنيا تبذ الخفا ماعاد تغويني=عجل ترى قلب خلك أنحفر قبره
يكفي جروح وألم يكفيني مافيني= كانت جروحي قبل شوفتك مندثره
صحيت جرح أندمل واللحين يكويني=أشره على الجرح وإلا من عليه أشره
تركتني للزمان الشين (ينهيني)=وأنته على الصد لاراضي ولا مُكره
Tell me...where are you.؟..وش فيك جافيني؟=I Love you ..والحب ضعت بمده وجزره
عطيتك(الحب كله) وش بتعطيني=مشكلتي أعرف أحب ومستحيل أكره
عطني سبب للهجر يابهجة (أ)سنيني=يمكن يخفف عنا قلبي ولو مره
ياكثر غلطاتك وياكثر تهوّيني=أدمح خطاك وتجي وتعاود الكره
مر(ن) تقول أذلفي ومر(ن)تناديني=حيرتني ياولد ماهذي بعشره
وأقول بُكره يجي عندي يراضيني=علقت كل أمنياتي فيك يابكره
ياساعه الموت قبل إنك تزوريني =قولي لذاك الفتى ماني على خبره
كنت أحسب أنه على الطاعه مخاويني= وأثره على العلم الأقشر قد قضى عمره
خلاص لا تذرفين الدمع ياعيني= وأنتي مثال الوفا والسيره العطره
يطويني البعد بالحرمان يطويني=والبعد في خافقي له نار مستعره
(وآحر كبدي)أشوف الهم مشقيني= والكبد من قسوة الغالين منفطره
حتى الحزن صار من أبرز عناويني=ماعادلي بالحزن ياصاحبي قدره
ابكي ودمعي مع الذكرى يواسيني=ودموع عيني على التذكار منهمره
ماأقول عفتك وقدرك طاح من عيني=أقول قلبي على فرقاك ياااصبره
وإن كان حال القدر مابينك وبيني=حيل الله أقوى وأنا مافي يدي دبره
يغريني الشعر والقيفان تغريني=وأحس للشعر فيني نشوه وسكره
أنظم قصيدي عسى نظمه يسليني=وأطلب من الله يعـّود طيري (أ)لوكره
[/poem]
| 
|
06-16-2010, 07:46 PM
+ 
العرض المتطور
