هواجيسي

[؛؛ابو ريناد؛؛]

قصيده لشاب شاعر ولاكنه لم يحضى بالضو الإعلامي ووصلتني منه هذه القصيده والتي تعبر عن مابها ووددت نقلها لكم كما وصلتني آمل ان تكسب رهاني لمتذوقي الشعر الوجداني او المعاناتي 0
لدي له الكثير ولاكن لاحقاً0

وأترككم مع ابياته التالية

اخذتلي عند اهل الذود سجه
وانا مع السجات يطربلي البال
اطرد هواجيسي ليا اخذت عجه
عند امهات الحشو في طيب الجال
ذودن ليا طاح الحيا فاي فجه
لازم تـزوره قـدم نازل ورحـال
وعـوت وانا لشـمال مـتوجـه
على اشهبن يطوي مسافات وأميال
صنع الجميح اللي شرابه يبجه
اليا زدتله دعسه تنهض على الفال
يبعدك عن دارن لهلها مصجه
ليا سرا دياجي الليل تنزال
وثبت عداده بزره وحجه
وسريت مسراً فيه ما يمشي الحال
اخذتلي غطه ولاهي بحجه
مكتوب والمكتوب ماعنه محيال
وصحيت وانا وسط موتر وعجه
اثره تغير عن مساره ياهذال
جنب عن الخط السريع الموجه
وحول على خشمن جبل فيه مميال
ونزلت واليا في دوخه ورجه
ولديت فيه الياه مغير ينشال
وعقب انتبهت وشفت مضرب مفجه
مفج ندراً سيلها تو ماسال
وكل المواتر غير دنهوش دجه
ماعاد تصلحلي على كل الأشكال
غيره مايشفي خاطرن فيه لجه
اليا طراله تالي الليل موال
عبدك تحت رحمتك يارب نجه
واغفر ذنوبه يوم تقضي بالاجال

ناصر سعيد الروقي (الشمالي)
اشكر لكم حسن التواجد في زاويتي تلك

[شيخ الشيوخـ]

لاهنت يابوريناد على النقل وعساك على القوة

وصح لسان الشاعر المبدع على هالقصيده

ونبيك توجه للشاعر دعوه للحظور في منتدى قبيلته ويشاركنا بابداعه الشعري

[النجم الأصيل]

اهلا بك وبشاعرك

وصح لسانه

ودي

[الصهد]

صح لسان الشاعر
نقل موفق
تحياتي وتقديري ,,,

[؛؛ابو ريناد؛؛]

هلاااااااااا بمن شرفني بمروره العطر ولكم علي دعوته ونقل المزيد من شعره لكم