دعــث النــوازي

[متعب بن طواله]

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

ياماحلا تقليط صفر المباهير= في خايعٍ شوفك سرح في رحابه

دعث النوازي مخفيات المخامير=تغنيك عن جرد الفجاج وصلابه

وذودٍ الياغنى المغني طوابير=كفيخ صيدٍ يوم طق الغرابه

صفرن كما دلم المزون المزابير= صوت الرعد يزجر عليها وجابه

لاروحت كنه سرايا المغاوير=اللي عماره يجلبونه جلابه

لاهوبل الراعي تتالى مقاطير=مثل القطار اللي تبع من سرابه

رثمٍ خراطيمه تدلي قواطير= كنه مسابيح العجم بالطلابه

جمالهن كنه جمال الغنادير=اللي يقلدن الغتر والعصابه

واليا لفى الرواد معه التباشير=يذكر من الوسمي تقل نبت غابه

ماطبته كود القطا والعصافير=من بعدها راع الغنم ماوطابه

نبته سمك يومي بكل النوواوير=روادها من طول نبته غدابه

الصبح زاعن والتوالي مصاغير=تناهبو بعض الحوايج نهابه

يطون بعيد الدار طي الحوادير= لاطالة الفرجه وطرّف زهابه

جلٍ تطارد مع خطات المحادير= قامت تكاهز مثل جلد السحابه

قدامها يبنى المسوبع كما النير=حيدٍ يهاوزن الرمك في طنابه

في ربعته ريف العرب والخطاطير=شيخٍ يفتّل للمهابه شنابه

ماكنه الا عنتر الخيل والزير=اخذ من الضرغام شكل ومهابه

يمه تعكى فوق عكف البواكير= مدهال شكلين العرب والقرابه

على هواءالشقحاء يسوق الدنانير=يومه يروح مفرعٍ مادرابه

همه الياهوبل وصارن دعاثير= كن احتياطي البلد في حسابه

ساس الشريف ومصقر العز وامير=تزبن عليه بشدتك وتهقابه

[/poem]

[إبن ثعلي]

صح السانك يامتعب بن طواله ولاهنت على اتحافنا بهذه القصيدة الرائعه
وتحياتي لك

[متعب بن طواله]

المشاركة الأصلية كتبت بواسطة إبن ثعلي صح السانك يامتعب بن طواله ولاهنت على اتحافنا بهذه القصيدة الرائعه وتحياتي لك

مرحباااا بك ابن ثعلي
لاهنت الله يجمل حالك على تواجدك المشيد والتعليق الوافي اشكرك جزيل الشكر ممنو لك كل الا متنان
تحيتي وتقديري لشخصك لطيب
دمت بكل خير

[اخر رجل]

صح لسانك يالبناخي ولاهنت على هالقصيدة الاكثرمن رائعة
ابداع وفن وحكم وتماثيل صعبة على الشعار بنقلها في صورة مثل كذا
تحياتي لك ولابداعك الجميل

[متعب بن طواله]

المشاركة الأصلية كتبت بواسطة اخر رجل صح لسانك يالبناخي ولاهنت على هالقصيدة الاكثرمن رائعة ابداع وفن وحكم وتماثيل صعبة على الشعار بنقلها في صورة مثل كذا تحياتي لك ولابداعك الجميل

اهلاً وسهلاً بك اخي الكريم
اشكرك جزيل الشكر على تواجدك المشيد والتعليق الوافي ممنو لك كل الا متنان
تحيتي وتقديري لشخصك لطيب
دمت بكل خير

[النجم الأصيل]

صح لسانكـ يابن طواله وبيض الله وجهكـ

ودي لشخصكـ الكريم

[متعب بن طواله]

المشاركة الأصلية كتبت بواسطة النجم الأصيل صح لسانكـ يابن طواله وبيض الله وجهكـ ودي لشخصكـ الكريم

لاهنت الله يجمل حالك على تواجدك المشيد والتعليق الوافي اشكرك جزيل الشكر
دمت بكل خير

[نواف الشيباني]

الله الله عليك يابن طواله كتبت فأجدت صح لسانك ولاهنت ... تقبل مروري ,,,

[متعب بن طواله]

المشاركة الأصلية كتبت بواسطة نواف الشيباني الله الله عليك يابن طواله كتبت فأجدت صح لسانك ولاهنت ... تقبل مروري ,,,

جمل حالك على تواجدك المشيد والتعليق الوافي ممنو لك كل الا متنان
تحيتي وتقديري لشخصك لطيب
دمت بكل خير

[{ أبوفيصل }]

يامــاحلا تقليـط صفــر المباهيـر ** في خايعٍ شوفك سرح في رحــابـه
دعث النوازي مخفيات المخاميـر ** تغنيك عن جرد الفجــاج وصـلابـه



في ربعته ريف العرب والخطاطير ** شيـــخٍ يفتّـل للمهـــابـه شنـابه
ماكـنه الا عنتـر الخيـــل والزيـــر ** اخذ من الضرغام شكل ومهابه

صح لســـــــــــــــــانك وعلاااا شانك
يامتعب