ربـعـي سبيـع

[غـلا سبيع ..{~]

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ربعـي سبـيع أحيـاء بجلود الأموات=والحكم لله ثم لصقر الجزيره
كنّـا على البـيرق عيون وردارات=ودونـه تقاطعنـا الجموع الغفيره
ولاء ولاء ما هو كلام وشعارات=اللي تردد فالسنيـن الأخيــره
صـولات في نجد العذيّـه وجولات=ليـن السعد فالمملكه حام طيـره
حنّـا سبـيع اللي صنعّنـا معجـزات=ما نبطـش إلا فوق الأسماء الشهيـره
وحنّـا سبـيع أهل الطروق المخلات=وحنّـا سبـيع أهل السيوف الشطيره
وحنّـا سبـيع أهل السلوم المنقّـات=لـنـا وجيـه وجاه يذري وجيـره
وحنـا سبـيع إن قيـل ياسبـيع ردّات=نرمي بغالي الروح وسط السعيـره
وحنّـا سبـيع أهل الفعول المسمّــات=خيّـالنا ما قد نشد عن مصيره
لنـا مواقيفً تشرّف وعـادات=بذكـر بعضهـا لو بنبذه قصيره
تاريخنـا ما يحصره كتب وروات=ولا فالعربيّـه ولا فالجزيـــره
إلا وسامً في صدور البطـولات=عنهـا المقامـات الكبيـره صغيره
حنّـا هل المثلوثـه بفايتً فات=يوم السنين بجوعها مستطيره
ومنـاخ ذروّاي يوم المثارات=وما نقطع النقذه بوجه العثيره
وكبـار الشمايـل كسبنـا فالغزاوات=ونسهج حلال القوم صبح وظهيره
ومنّـا هل العشـر الفهود المضرّات=تحيزموا والموت جاهم بشيـره
ردّو ثلاث آلاف سطّوه وصملات=اللي ذبح واللي يدرّج كسيـره
وإن فرّعـن البـيض وإزداد الأصوات=وكلّـن تعزوا له بعزوة عشيـره
نسكر دجر على ظهور العبـيّـات=والموت نستنشق شذاه وعبـيره
وإن راحت علوم الرياجيـل وإن جـات=غير السبـيعي من يدلّه قصيره
من غير قاصر في جميع السموّات=قبايلً بسلومها مستنيره
واليوم في نعمه وأمان وحضارات=في ظل أبو متعب نظيف السريره
وختامها منّي سلام وتحيّـات=لأهل الوجيه الساطعات المنيــره
وصلّو على من عرج به للسماوات=وبيته وأهل بيته ومن سار سيره[/poem]

[الأدميرال]

ونعم بالسبعان ياغلاسبيع
ويستاهلون المدح
ولاهنتي

[غـلا سبيع ..{~]

ماعليك زود
والنعم بحالك .. نورت لاعدمتك

[مآتبآدلنآ آلعطآ]

وحنّا سبيع أهل الفعول المسمّـات
خيّالنا ما قد نشـد عـن مصيـره

ونع’ـم بـ/.. سبيــع ـآلغ’ـلبـآ .
ويستـآهلون هـآلمدح وزوود ..
لآهنتي يآغلآء ..ْ~

[غـلا سبيع ..{~]

المشاركة الأصلية كتبت بواسطة مآتبآدلنآ آلعطآ وحنّا سبيع أهل الفعول المسمّـات خيّالنا ما قد نشـد عـن مصيـره ونع’ـم بـ/.. سبيــع ـآلغ’ـلبـآ . ويستـآهلون هـآلمدح وزوود .. لآهنتي يآغلآء ..ْ~

ونعم بحالتس وبعتيبه كلهم لا عدمت هالطله ..

تستاهلين الطيب

[||كلَي شموخ||]

ونعم بسبيع
لاهنتي ياغلا سبيع

[غـلا سبيع ..{~]

المشاركة الأصلية كتبت بواسطة ||كلَي شموخ|| ونعم بسبيع لاهنتي ياغلا سبيع

ماعليك زود ياعمري ..

[عطر القصيد]

والنعم والله بقبيلة سبيع يستاهلون المدح

غلا سبيع

ملكة الابدآآآع ,,,


و راقية الحروف ,,,


كلامكـٍ درر يفجر كل براكين المشاعر من داخل الجووف ..

رسمت ٍ.. واتقنتٍ الحرووف ... بكل جداره ...


حتى باتت داخل ارواحنا ... و .. قلوبنآآآآ


هنيأ لنا بوجود شخصيه عملاقه مثلكـ ..ٍ


بقلمكـٍ الواعد الساحر ...


فلاتحرمينا من اطروحاتكٍ وتميزهآ ~


بارك الله فيك ....ٍ


وانتظر جديدكٍ بكل شوق ولهفه ..

[المطنوخه]

,


ونعم والله بالغلباء .,

يستآهلون .,

صح لسآن شآعرها , وتسلم يدك ع نقلها .,


لاهنتي ..

[غـلا سبيع ..{~]

المشاركة الأصلية كتبت بواسطة المطنوخه , ونعم والله بالغلباء ., يستآهلون ., صح لسآن شآعرها , وتسلم يدك ع نقلها ., لاهنتي ..

ماعليك زود لاعدمتس ..صح بدنتس