راع الوفاء

[إبراهيم الصيخان]

راع الوفاء

للشاعر: ابراهيم علي الصيخان

الليل مسرى والمواقف تجاريب
............والشمس نوره مايقدي لعميان


والسيف حدبه مايجيله عذاريب
............والرمح نصله حامل الموت بسنان


الراي شور ٍ والتجارب تهاذيب
............والعقل حكمه والشدايد له اركان


للعين شوفه دون سمعك مقاضيب
............والقول دون الشوف ماهو بوكدان


الضن عصمه والبغي له محاريب
............والخوف واضح للفتى فيه حقران


النفس روض ٍ والكرم له مكاريب
............الطيب وبله والبخل فيه نقصان


الجود صهوه واللزز له معازيب
............بـالمد عــند الــعسر للرجل برهان


الحر طير ٍ للحباري مناديب
............ومندوب نفسه للجيف دوم غربان


القول دون الفعل ماله مهاريب
............والفعل دون الهرج عزه بنيشان


الطيب حصن ٍ والردى له تواليب
............لاجاد فيه الرجل عيبه لمنان


الوقت عسره والرخى له دواليب
............والبيت رفعه بالوطى فوق سيسان


الخيل ماهي للحرابه مهاذيب
............يوم الجحش لاطاب ركضه بخذلان


راع الوفاء بالكون زبن المحاديب
............ولا الردي حفاظ مال ٍ مع الظان


وصلاة ربي عد شمس ومغاريب
............على النبي الهاشمي خير من كان

[مرزوق أبـورقبه]

صح لسانك

قصيده رائعه ووافيه وجزله

[إبراهيم الصيخان]

المشاركة الأصلية كتبت بواسطة مرزوق أبـورقبه صح لسانك قصيده رائعه ووافيه وجزله

لاهنت اخوي على المرور


تحيتي

[رشة قلم]

صح لسانك يالشاعر ابراهيم
بالفعل قصيده متشعبه وتطرق أكثر من باب سلم القصيده ودرجته رائعه سلم القلم وصاحبه ..
دمت على الخير

[إبراهيم الصيخان]

المشاركة الأصلية كتبت بواسطة رشة قلم صح لسانك يالشاعر ابراهيم بالفعل قصيده متشعبه وتطرق أكثر من باب سلم القصيده ودرجته رائعه سلم القلم وصاحبه .. دمت على الخير

لاهنت على المرور الرائع والرد الاروع

تقبل تحياتي

[شويهينة الهيلا]

الله الله ابدعت بها
صح لسانك حتى ترضى
راقت لي جدا

[إبراهيم الصيخان]

المشاركة الأصلية كتبت بواسطة شويهينة الهيلا الله الله ابدعت بها صح لسانك حتى ترضى راقت لي جدا

مشكوره على المرور الطيب

لاهنتي

[إبن ثعلي]

صح السانك ياابراهيم ولاهنت قصيدة جزله لايعلى عليها

[إبراهيم الصيخان]

المشاركة الأصلية كتبت بواسطة إبن ثعلي صح السانك ياابراهيم ولاهنت قصيدة جزله لايعلى عليها

لاهنت على المرور الطيب

تحياتي

[نايف تراحيب]

صح لسسآنك يا ابراهيم


ولا هنت على هالأيرآد


ودي



/



،