يوم شفت أخوان نـوره فالمطار

[القوبع العضياني]

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]











يوم شفت أخوان نوره فالمطار = والمشاعر كلها عز وفخر

كل شعب المملكة فالانتظار= صورت (ن) تنقل عبر بث القمر

فا انتظار الصيرمي نسل الحرار = أبرك الساعات يومنه حضر

شاش راسي مع طويلين العمار= ياعسى روحي فداهم والعمر

الملوك اللي على عز ووقار = هم هل العوجا بعيدين النظر

حبهم من قلب ماهو مستعار = حب يخفى سر مثله فالجهر

والله أن الرجل يشعر بافتخار = ويــتنـومس فالملوك اهل القـدر

احكمو بالشرع حكمن باقتدار= وطبقوا شرع الولي بين البشر

قـد رسم عبدالعزيز الهم مسار =الله أنه يرحمه قلب وفكر

قبل ابو تركي تجرعنا المرار =الجهل والخوف وأنواع الخطر

يرقد الرجال كوعه فوق زار = ما ظلم ويخاف من وجه القشر

خايفن من واحدن طلاب ثار= يهجده لو كان ماله فالأمر

عالمن مجهول وأيام (ن) دمار = والوكاد أنا تحت خط الفقر

ويوم ربي بدل الليل بنهار = وحول البحر الأجاج الليا نهر

وجاك اخو نوره على قحص المهار= جاك سارح مع غطاليس الفجر

وصبح اللي قد تحصن بالحصار = وطاح أبن عجلان من كف الصقر

أنتثر دمه على وجه العفار = عقب غاص الرمح في جوف النحر

وصاح من عدى ونادى بالجهار = الملك عبدالعزيز اله النصر

وحط لبنه فوق ساسه للعمار= وقا مت الأمة تباشر بالخبر

وابتدا مشوار توحيد الديار = وكل يوم يسجل بديره نصر

وحد الدوله يمين ومن يسار = لين فيها الوضع والأمن أستقر

وهي بداية ما نشوفه هالنهار = نقطتن حطيتها فوق السطر

واحمدالله يوم رحنا للمطار= فانتظار الصيرمي ساعة حضر

شاش راسي مع طويلين العمار= ياعسى روحي فداهم والعمر









[/poem]





[align=right]قصيدة جادة بها قريحتي أتمنى أن ترتقي لذائقتكم الشعرية [/align][align=right]


أبو جمانة
[/align]

[سلمان]

حي الله القوبع

عاش من شافك

طال عمرك

وصح لسانك وانا خوك


والله يحفظ لنا اخوان نوره

ولاهنت

[القوبع العضياني]

المشاركة الأصلية كتبت بواسطة سلمان حي الله القوبع عاش من شافك طال عمرك وصح لسانك وانا خوك والله يحفظ لنا اخوان نوره ولاهنت

عاشت ايامك اخوي سلمان وصح بدنك ولاعدمت هالتواجد

[غـلا سبيع ..{~]

صح لسانك :)

[القوبع العضياني]

المشاركة الأصلية كتبت بواسطة غـلا سبيع ..{~ صح لسانك :)

صح بدنك غلا سبيع يسعدلي هالتواجد

[تسنيم]

صح لسانك
لاهنت ،،،

[عالي الهمة]

حبهم مـن قلـب ماهـو مستعـارحب يخفـى سـر مثلـه فالجهـر
والله أن الرجـل يشعـر بافتخـارويتنومس فالملـوك اهـل القـدر
^^^^^^^^^^^^^^^^^^^^^^^^^^^^^^^
القوبع العضياني
بيض الله وجهك وصح لسانك مبدع
لانك عبرت بما يخالج نفس كل مواطن ومقيم عاش وترعرع في هذا البلد المعطاء
{اللهم احفظ ولاة امورنا وارزقهم البطانة الصالحة }

[القوبع العضياني]

المشاركة الأصلية كتبت بواسطة عالي الهمة حبهم مـن قلـب ماهـو مستعـارحب يخفـى سـر مثلـه فالجهـر والله أن الرجـل يشعـر بافتخـارويتنومس فالملـوك اهـل القـدر ^^^^^^^^^^^^^^^^^^^^^^^^^^^^^^^ القوبع العضياني بيض الله وجهك وصح لسانك مبدع لانك عبرت بما يخالج نفس كل مواطن ومقيم عاش وترعرع في هذا البلد المعطاء {اللهم احفظ ولاة امورنا وارزقهم البطانة الصالحة }

ووجهك ابيض اخوي عالي الهمة والولاء لولاة الأمر والحمدلله والشكر موجود في قلب كل مواطن لان هذا من ثوابت عقيدتنا ومن مات ليس في رقبته بيعه ليس بمسلم كما جاء في الحديث

[القوبع العضياني]

المشاركة الأصلية كتبت بواسطة تسنيم صح لسانك لاهنت ،،،

صح بدنك تسنيم وياك ان شاء الله

[فواز الجوفي]

صح لسانك لاهنت