--------------------------------------------------------------------------------
العبــايه عولموها وانفــثــوا فيها السموم
من ملاهي الرقص جابوا فكرتخصيرالعباة
ضيقوا صدر العباة ووسعوا طرف الكموم
ونزلوها لين وصلت آخر أكتاف الفــــــــتاة
بانت نحور الصبايا وانكشف شكل الهدوم
والغبية تحسبنها زايده زين وحــــــــــــلاة
والبراقــع دلعـوهــا لين عـام الخد عـوم
لازم القرضه توسع والكحل يلقى الحــــياة
طوروا شكل النقاب وصارت الدعوه علوم
صار شفاف(ن)يوضح خدها ويا الشـــــــفاة
وآخر الصرعه لثام(ن)يفتن الرجل العزوم
والفتن قالوا ضلاله للقلوب المؤمنـــــــــات
وش علامك بنت حوى تستبيحين السلوم
أو مع خيلك ياشقراء بعضكم جنس البنـــات
قاهرتهم هالعبايه مايبون الستر دوم
جدهم علمان يعني لاصيام ولاصــلاة
حطوا إن البنـت سلعه وغلفوها بالهمـوم
وارفعوا شعار(ن) ينادي للحقوق الضايعات
من ظلمها والبدو لاصاحت الحرمه تقوم
قايمه تحت المعادي لجل عين الشامخـــات
من ظلمها يوم قام المعتصم من عز نوم
قال وين الكافر اللي يستبيح المسلمـــــات
ثم ذبح لجل شعرها من العدو كثر النجوم
قال هذا حق منهو يستذل الطـــــــــــاهرات
نكسوا ذاك الشعار ولملموا باقي السهوم
يكسر الخاطر سهمكم لاضرب في مدرعات
بيتكم لاصار مبني داخل البيت مهدوم
وبيتنا صوم وصلاة وحج وشهاده وزكاة
إتركـيهـم يابـدويـه وخـلي اللايـم يـلوم
وسعي خصر العبايه واكرمي بالمكرمات
وإن رفعتيها لراسك أصبح الراس محشوم
العبايه فوق راسك حشمه وطيب وثبــــــات
وماعليك من اللئيمه تحاول تقلدك يوم
لبست البرقع ولكن حن عرق الماجــدات
بحنكها ألفين دقه مدري ألف من الوشوم
أو تراه ألفين هكري يكتبون الذكريــــــات
ولابغت تكتب قصيده قافها هو قاف يوم
(يوم يابا)(يوم يابا)جاك عرق الراقصـــات
جت تقول إني بدويه قلت أنتي وجه بوم
إعقبي منتي بدويه أنتي جزء من الحــصاة
يابدويه لايغرك بعض غربان(ن) تحوم
أنتي فوق الكل أنتي فوق روس النايـفات
أنتي يوم الحرب دارت والمعارك (قوم)(قوم)
عانقت عزوات أخوك صوت ضرب المرهفـات
إن حدوا من بيننا أو طولوا حد العقوم
يابدويه طبعي أرقى فوق كل الطايــلات
إحذري يابنت منهم طبعهم نفث السموم
عولمتهم لو أعرفها طلع معنى الشــــتات
ضيقوا صدر العباة ووسعوا طرف الكموم
وبيجي يوم(ن) نشوف شقوق في وسط العباة
.
.
مما رآآآقــ لي
دمتم بود
| 
|
02-09-2010, 09:33 PM
العرض المتطور
