شلغومي الغرب ومنفذ مطالبها !!!!!!

[طلال بن نشار]

[poem=font="simplified arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


يالاجى في بلاد الغـرب وتعيبـي = اركان الاسلام يالشلغـوم تقلبهـا

في دار الاسلام حاربت المعازيبي = وفي تونس المسلمه ضاعة مذاهبها

قلبك ملي من الاحقـاد والريبـي = يمجامل الغرب والشينات تشربهـا

يمحارب الدين ياشيـن الهناديبـي = ياتابع الغـرب وملبـي مطالبهـا

في تونس المسلمه تلقى العواقيبـي = من تحت الاقدام قطعتـو ذوايبهـا

غصب عليها تلاقى كل تغريبـي = سلعه رخيصه وكل قـام يطلبهـا

في فرقكم يالفهيـم يعيـد الذيبـي = داس الحماء والسمينه جاك ناهبها !

شف الفواحش ملت دار الاجانيبي = وديـارك بغيهـا والنـار تلهبهـا

وديارنا يالضعيف بعـز وتطيبـي = ماها قـراح وعميقـات معاذبهـا

المسلمه عندنـا فـوق المراقيبـي = في شرعنا مكرمه محـد يقربهـا

ديارنا سالمه مـن كـل تثريبـي = ودياركم غربت والفسـق عاثبهـا

والعيب يالشلغمي تبع العذاريبـي = تبل مصايبك ونعرف من يعلبها !!

يالله تسلط على اللى فعلة مريبـي = شلغومي الغرب وملبـي مطالبهـا [/poem]

[شيخ الشيوخـ]

مامثلنا احد ياطلال والله يعز الاسلام
ولو اني ما ادري من تقصد لاكن واضح انك منفعل لدينك وهذي الرجولة ياطلال
بيض الله وجهك والله يجزل لك الاجر بذبك عن دينك ومقدساتك ووطنك

[طلال بن نشار]

الاخ شيخ الشيوخ


صح بدنك 0000

ومناسبه القصيدة امام فرنسي من اصل تونسي ويدعي حسن الشلغومي يقول 00


أن النساء اللواتى يرغبن في تغطية وجوههن عليهن أن يرحلن الى السعودية او اي دولة اسلاميه اخرى

يكون فيها النقاب تقليدا !!!!!!!

ونحن نقول كلام هذا العميل مردود عليه وعليه ان ينظر في حال المراة في الغرب وفي بلدة تونس اين

وصلت !!!!!!!!

[شيخ الشيوخـ]

كفو يابن نشار

[إبن ثعلي]

صح السانك ياطلال ولاهنت

[وجودك يكفي]

صح لسانك يابن نشار وبيض الله وجهك وانا اخوك


احترامي

[فهيد مقعد الرويس]

صح لسانك

وعتلاشانك

شاعرنا الرائع

طلال النشار

ننتظر المزيد من الابداع

تحيتي وتقديري

[طلال بن نشار]

الاخ شيخ الشيوخ



ماعليك زود 000 تحياتي وتقديري

[طلال بن نشار]

الاخ أبن ثعلي



صح بدنك 00 والله لايهينك 000

ومشكور على مرورك 00000000 تقبل تحياتي

[طلال بن نشار]

الاخ فهيد الرويس


صح بدنك 00 وعلى شانك

أعجابك فخر وشهادتك أعتز بها 000 مشكور على مرورك 00 تقبل تحياتي وتقديري