لـغز..الحواس الـ5 )حصري(.... توصل للحل ]الجادل[

[وجودك يكفي]

بسم الله الرحمن الرحيم


مساء الخير للجميع


اليوم كتبت لغز بسيط وحبيت اطرحه لكم بعد اللغز الصعب عشان ماتاخذون طابع الصعوبه في جميع الألغاز واتمنى يعجبكم



يقول اللغز:


رجال له كفين من دون اصابع=كنه مريضن يدعي الله يشافيه

يحتاجه الجالس بوقت المتابع=يشيل رجلن ياعرب بين كفيه

توضيح للجمهور واهل الروابع=ترى الحواس الخمس ماتنوجد فيه







وجـــــ ولد ــــودك
يكــــــ ثابت ــــفي


الحقوق محفوظه لمنتدى عتيبه

[الأدميرال]

الجوال

[وجودك يكفي]

الجوال

مالك لوا يالادميرال

[شموخ النايفات]

الختم

[وجودك يكفي]

الختم

مالك لوا يالجادل

[شموخ النايفات]

مسنــد المصحف ..؟؟

[وجودك يكفي]

مبروك وصح لسانك يالجادل
إجابه صحيحه
مسند المصحف أو حامل المصحف


ما شاء الله من ثاني رمعة فقعتي عين اللغز

[شموخ النايفات]

اهم شي فيه جوائز



وتسلم وجودك يكفي على هالالغاز الحلووه

[» عبدالعزيز «]

ماشاءالله تبارك الله .
ولد ثابت ياليت في لغز التحدي تجيب نفس سهولة هذا

[وجودك يكفي]

ابشر ياعبدالعزيز وانا اخوك نجيب اسهل منه بس أهم شي تكون متواجد لاتسبقك الجادل وتفقع عين اللغز وتاخذ الوسام<<تراها خطيره