اليخت في غبة بحر

[سويلم الخراص]

متواضعه القيتها في احد محافل قبيلة مطير لعلها ترتقي لذائقتكم

[poem=font="simplified arabic,5,black,normal,normal" bkcolor="transparent" bkimage="backgrounds/41.gif" border="double,5,chocolate" type=0 line=0 align=center use=ex num="0,black""]
اليخت في غبة بحر والبوصله حسب النظام=والاتجاه اللي يعاكس به طريقه مغلقه
يادرة البحر العميق اليوم مافيها كلام =شومي لنشمين سهرلك كل طرقن يطرقه

اثر السهر في محجر عيونه وجافاه المنام= اليابغى جلبك دقايق نوم عينه يسرقه

تبسمي واستلطفيبه لايجي بعدك ملام =اول مناديب السعاده كل رمحن يزرقه

أحدن ليامنه زرع يحصد ومعدوم اهتمام =واحدن ليامنه حصديكفي من الحصد اورقه

والبعض يطلع جنيهم كله على افضل مايرام=عكس الذي مرارته تطغى على متذوقه

و مدام فاليمنى الصقيل انابشدله الحزام =والحلم في قمة جبل غيث السحايب مغرقه

سلام ياروس الرجال اللي لهم قدر ومقام=في صدر رجالن فعول الغانمين تشوقه

ياللابه اللي من زبنكم والله انه مايضام =ولينتصرلو العدا من كل صوب اطوقه

انتم هل النخوات والفزاعات في وقت الزحام= مطير حمران النواظر بالوفا متفوقه
هذا وانا من ربعي العتبان مروين الحسام=حريبنا وقت الجهل لو مايموت نعوقه

يانتركه صاحي عقل لكن مكسور العظام=اونتركه سالم عظم والعقل منه نتوقه

وباق القبايل خيرهم فيهم عليه بالحرام=مايجحد فعول الرجال الا الضعيف بمنطقه[/poem]

[إبن ثعلي]

صح السانك يااخ سويلم قصيدة جزله لايعلى عليها

[سويلم الخراص]

المشاركة الأصلية كتبت بواسطة إبن ثعلي صح السانك يااخ سويلم قصيدة جزله لايعلى عليها

ابن ثعلي صح بدنك وشاكر تواجدك يالغالي

ارق تحيه

[كــــآتــم المـــــعنى]

صح لسانك يا يالخراص ويستاهلون حمران النواظر


ننتظر جديدك يالقرم

[سويلم الخراص]

المشاركة الأصلية كتبت بواسطة سيف العضياني صح لسانك يا يالخراص ويستاهلون حمران النواظر ننتظر جديدك يالقرم

صح بدنك ياسيف وشاكر تشريفك


دمت بخير

[فهيد مقعد الرويس]

صح لسانك

ياسويلم

لايستغرب الابداع من صاحبه

تحيتي وتقديري

[سويلم الخراص]

المشاركة الأصلية كتبت بواسطة فهيد الرويس صح لسانك ياسويلم لايستغرب الابداع من صاحبه تحيتي وتقديري

صح بدنك يافهيد وانت الابداع بحد ذاته

دمت بخير

[عاشق غلا]

صح لسانك سويلم وشاعر فذ ورائعه لا يعلى عليها

[سويلم الخراص]

المشاركة الأصلية كتبت بواسطة عاشق غلا صح لسانك سويلم وشاعر فذ ورائعه لا يعلى عليها

صح بدنك ياعاشق


تحيتي

[عادل العصيمي]

هذا وانا من ربعي العتبان مرويـن الحسـام
حريبنا وقت الجهـل لـو مايمـوت نعوقـه
يانتركه صاحي عقل لكن مكسـور العظـام
اونتركه سالم عظـم والعقـل منـه نتوقـه


صح لسانك اخوي سويلم


قصيدة جزلة وقد المقام


لا هنت


,