اسالك عن عود(ن) لغز من بنت الطنايا

[بنت شمرالطنايا]

السلام عليكم

اليكم هذا اللغز


[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اسالك عن عود(ن) سكن منزل(ن) له = عمال ما يطري عليه المراحيل

سبع بنات داورن ذبحت(ن) له = لولا ثني(ن) واقفين(ن) عوازيل [/poem]طبعا نبي العود

ونبي البنات

ونبي العوازيل

اختكم بنت شمر الطنايا

[وجودك يكفي]

صح لسانك يابنت شمر الطنايآ ولآ هنتي على اللغز
عندي رمعه وهي:
العود نجم بس يانعش اوسهيل او الجدي

والبنات : نجوم تسمى بنات نعش

العوازيل : الحويجزتين

[وجودك يكفي]

يقولون في الأساطير
إن سهيل قتل نعش وبناته شيييعنه أربعه شايلينه على نعش وثلاث يمشن وراهن
وبنات نعش اتهمو الجدي إنه هو القاتل وقالن لازم ناخذ بثارنا من الجدي وصارن يدورن حوله وفيه نجمتين يقال لهن الحويجزتين يمنعن البنات من الجدي
وسهيل القاتل الحقيقي خايف يظهر شرين ويختفي

اتوقع إن هذا حلها يابنت شمر الطنايآ

[فهيد مقعد الرويس]

[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انشدك عن رجلٍ نزل منزلله=كل اليالي مايحب المراحيل

قدمه بناتٍ شوفهن ذبحتله= ومن دونهن وقفو رجالاً عواذيل[/poem]

تصحيح يابنت شمر للغز لاهنتي

واستقبال الرمعات لك

تحيتي وتقديري

[بنت شمرالطنايا]

المشاركة الأصلية كتبت بواسطة فهيد الرويس [poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] انشدك عن رجلٍ نزل منزلله=كل اليالي مايحب المراحيل قدمه بناتٍ شوفهن ذبحتله= ومن دونهن وقفو رجالاً عواذيل[/poem] تصحيح يابنت شمر للغز لاهنتي واستقبال الرمعات لك تحيتي وتقديري

اهلين اخوي فهيد الرويس

مدري بس انا كذا سمعت اللغز من عمي

وشكرا لتصحيحك بس انا نفس ما سمعتوه من عمي كتبتوه وعمي مدري من منو سامعوه بس هو لغز قديم حيل

شكرا لحضورك

[إبن ثعلي]

اللغز حله الأخ وجودك يكفي وهو نجم الجدي والبنات حنا نقول لهن السبع وهناك نجمين اسمهما الحويزين دائما يحولن بين السبع والجدي

[بنت شمرالطنايا]

المشاركة الأصلية كتبت بواسطة إبن ثعلي اللغز حله الأخ وجودك يكفي وهو نجم الجدي والبنات حنا نقول لهن السبع وهناك نجمين اسمهما الحويزين دائما يحولن بين السبع والجدي

ايه ما شاء الله عليه

واللغز واضح للي يعرف بها الاشياء

تقريبا كلهن نفس الاسماء عندكم وعندنا بس السبع نجوم شيبانا يسمونهن النعايم


شكرا لحضورك

[بنت شمرالطنايا]

صح لسانك ياولد ثابت

العود هو الجدي

والبنات انتم تسمونهن بنات نعش بس حنا شيبانا يسمونهن النعايم عددهن سبعه اختلفت الاسباب والموت واحد

والاثنين الحويجزين
صح لسانك

[وجودك يكفي]

مشكوره يابنت شمر الطنايا على اللغز والله يعطيك العافيه

دمتي بخير

[بنت شمرالطنايا]

المشاركة الأصلية كتبت بواسطة وجودك يكفي مشكوره يابنت شمر الطنايا على اللغز والله يعطيك العافيه دمتي بخير

العفو

الله يعافيك

انت الشكر لك على الغازك اخوي