درب الهوى ’’’

[مجري الهايب]

[poem=font="simplified arabic,6,darkred,bold,italic" bkcolor="transparent" bkimage="backgrounds/18.gif" border="none,4,gray" type=2 line=0 align=center use=ex num="0,black""]

يابنت وشلك بالهوى درب الهوى درب صعيب=
قبلك زحول المرجله ماتــوا على درب الهوى=
الحب خلى عنتره يشتاق لــــــسيوف الحريب=
رمز الشجاعه مانجى من نــــار حبه واكتوى=
والحب يخلف صاحبه لو كان الـــه عقلٍ لبيب=
مجنون ليلى قبلنا ينوح في سقـــــــــط اللوى=
وانتي بعزمك قاصره منتي مثل عزم الصويب=
العزم فالجنسين يابنت العــــــرب ماهو سوى=
اخذي كلام المبتلى يكفيك عــــن طب الطبيب=
واللي يعيش التجربه يصرفلــــك علاج ودوى=
كنت اقضي اوقاتي كما من ينتظر موتٍ قريب=
واهيم دايم فالخلا والخد بالدمــــــــــع ارتوى=
كنت ارسم البسمه وانا في داخــلي نار ولهيب=
لاصار حولي صاحبي ولا عــــــــدون ملتوي=
واظن بالحب الوفى والحــــب عن ظني يخيب=
وابني حلومي بالقمــــــــــم لكن ترجع وتهوي=
واعلنت توبه للأبد واضرب على الحب الصليب=
ياعنك مايصلح خــــــــوي لوكان مانلقى خوي=
واليوم مع جور الهـــــوى ناسٍ تلاعب بالحبيب=
ناسٍ تمصلح بالهوى تشـــــــحذ بطاقات السوى=[/poem]

[فديت عتيبه]

صح لٍــسـانك ..

[ناصر بن سعدي]

حجز لـ القراءه ..

والترحيب بـ مجري الهايب ..

ولي عـوده ..

[اصايل]

واعلنت توبه للأبد واضرب على الحب الصليـب
ياعنـك مايصلـح خـوي لوكـان مانلقـى خـوي


قويه :)


واليوم مع جـور الهـوى نـاسٍ تلاعـب بالحبيـب
ناسٍ تمصلح بالهوى تشحـذ بطاقـات السـوى



واقع ,,,




صح لسانك مليوووووون يامجري اللهايب


لاهنت

[رغدالشيباني]

يابنت وشلك بالهوى درب الهوى درب صعيب
قبلك زحول المرجله ماتوا على درب الهـوى


مطلع رائع يغني عن ألف بيت

أخذي كلام المبتلي يكفيك عن طب الطبيب
واللي يعيش التجربه يصرفلك علاج ودوى
هنا توضيف جميل للحكمه الشهيره(أسأل مجرب ولا تسأل طبيب)
صح لسانك .. رائعه رائعه جداً
لكــ تقديري...

[مجري الهايب]

فديت عتيبه

صـــــــــــح بدنك’’’

[مجري الهايب]

ناصـــر بن سعدي

مرورك هو اجمل ترحيب

وبنتظار عودتك الحميده

دمت بخير

[مجري الهايب]

اصايل

شكراً لك على المرور والتعليق الجميل

دمتي بخير

[مجري الهايب]

رغد الف شكر لك على

المرور الجميل والتعليق الاجمل

تحيتي

[ثورة احساس]

استمتعت ذائقتي بقراءة احاسيسك

يعطيك الف عافية

ولاهنت