جيتك اداري دمعتي (محتفـل) فيـك
ماودي اكسر (فرحتك) ب/ نكسارك
ياكثرهـم ياغايتـي مـن حواليـك
هذا قريـب ٍ لـك وهـذاك جـارك
لاكني اكثر شخـص فيهـم يحاتيـك
واصدق حبيب ٍ لـك تعنـى وزارك
لاأنـي اجفـى واقعي....مااجافيـك
لاأني اللـي يندمر....مـن دمـارك
بضحك وأبارك لك واضمك واهنيـك
رغم الالم والحزن بضحك وابـارك
ماكني إلا (دمـع عينـك) مخاويـك
افـراح وإلا احـزان لازم اشـارك
بستوطنك وانت الوطن بين اياديـك
حتى لو إني مغترب وسط 00(دراك)
بنسى جراحـي وآتغنـى واغنيـك
احلا قصيد ٍ عاش من حـر نـارك
تدري وش الضيقه ليا جيت الاقيـك
سواد ليـل ٍ وآنجـلا مـع نهـارك
تدري وش احلامي ليا حل طاريـك
اقطع تذاكر (فرحتي) مـن مطـارك
ياجعل حلـم ٍ عـاش متعلـق فيـك
تدرك بقايـا واقعـه ....وانتـدارك
حرام تتـرك قلـب مـازال يغليـك
يموت لهفه ينتظـر وش (قـرارك)
اما تعـال وخـل الاحـزان تبكيـك
وإلا إني احيا مابقى فـ/ نتضـارك
بعلمـك حاجـه ولا ظـن تخفـيـك
يابخت من قلبه ظفـر ب/ ختيـارك
زرتك وانا مجبور ما اقـدر اخليـك
قلبـي سبقنـي يــم دراك وزارك
تكفى لاجيتك مبتسم (بحتفـل) فيـك
تكفى لا تفسد (فرحتي) بإنكسـارك
الشاعر///عبدالله مطر الديحاني
تقبلوا تحياتي /// شمري واحب عتيبه
| 
|
08-09-2009, 10:16 PM
العرض المتطور
