قصة مثل ( زلقت حبة الشمري )

[فهد العايضي]

السلام عليكم ورحمة الله وبركاته




هذه قصـة مثل حبة الشمري كلها جت من “بصري الوضيحي” الشمري والقصة تقول:


ان بصري الوضيحي راح يحج ويتوب الى الله ..وان يتوب عن التغزل والغزل ..كونه مشهور

بالغزل .. وبعد كبر سنه نوى ان يتوب ..

طلب من ابنه لكي يحججه ... وبعد ما سعى وطاف طلب من ابنه ان يحب الحجر الاسود ..

ولكن الحجر الاسود كان مزدحم من الناس ...رجال ونساء ... والرؤوس متقاربه بعضها لبعض ..

فتزاحم معهم بصري وابنه .. وعندما وصل الى الحجر ويريد حبة الحجر ... اعترض بينه

وبين الحجر ...خد بنت جميله كانت تريد حبة الحجر ... وفي هذه اللحظه السريعه

انبهر بصري الوضيحي من لمعان خد البنت وبدل مايحب الحجر حب وجنة البنت ....

فقالت له البنت حج حج ياشايب .... وحاول ولده أنه يرقّع الموضوع قال هذا شايب

تايه(مهذري) ...فخجل الوضيحي وقال يابعد حيي زلقت الحبه ابيها بالحجر وصارت فيك ..

.وصار هذا مثل (زلقت حبة الشمري )



وقال القصيدة :





[poem=font="Simplified Arabic,4,black,normal,normal" bkcolor="transparent" bkimage="backgrounds/25.gif" border="outset,4,gray" type=0 line=0 align=center use=ex num="0,black"]
التايه الي جاب بصري يقنه=هيض جروح العود والعود قاضي
جينا نحب ونطلب الله جنه=جنة نعيم يوم يابس الحاضي
ياليت كانت حبتي في معنه=يوم العيون عن الخوامل غواضي
يامن يعاوني على وصف كنه=اشقح شقاح ولاهق بالبياضي
الريح لازفرة ولاهي مصنه=ريح النفل بمطمطمات الفياضي
نهدين للثوب الحمر شولعنه=حمر ثمرهن واقفات غضاضي
والخد ذابوح القلوب المرنه=براق مزنٍ لاعق اللون ياضي
ياليت لو سني على وقم سنه=بايام مابيني وبينه بغاضي
أيام جلد الذيب عندي محنه=نصبح وزرق الريش لهن إنتفاضي
ياجرح قلبي جرح وادي وطنه=غر المزون اللي وطنه وفاضي
البيض قبلي محسنٍ عذبنه=ونمر على وضحى جرا له عراضي
والبيض كم ٍ واحد ٍ يبسنه=يبسة شماشيل العذوق النفاضي
عزي لمن غر الثنايا كونه=واركن على كبده كوايلٍ عراضي
الا ارتوى بستان قلبي سقنه=واخضر جنابه عقب يبست الحاضي
القلب غضات الصبايا شعنه=بنت الشيوخ مخدمين الحياضي
شوفي بعيني والخدم يركبنه=على زعاع يوم قوطر وناضي
فوق اشقح من زمل ابوها مضنه=ركبة عليه اتشنطح ٍ باعتراضي
وامشجر من سوق هجر مغنه=على خياطة نابي الارداف راضي
وين انت يامشفي على طردهنه=انا طويت ارشاي وقفيت قاضي
انا صدرت ووردهن عقبنه=على العدو مشرعات الحياضي
احد بوسط النار واحد بجنه=وترى البخيت اللي له الرب راضي[/poem]

كنه..... اسم البنت اللي حبها





ويقال بعد مارجع الوضيحي ندم على مافعل وقال:



[poem=font="Simplified Arabic,4,black,normal,normal" bkcolor="transparent" bkimage="backgrounds/14.gif" border="outset,4,gray" type=0 line=0 align=center use=ex num="0,black"]
ياليتنا من حجنــا سالمينــا=كان الذنوب اللي علينا خفيفـــات
رحنا نبي نخفف ذنوب علينــا=وجينا وعليها كثرها عشـر مــرات[/poem]


وسلامتكم

[عاااشق نجد]

مشكور وما قصرت يا الغريب على القصه الجميله والقصيده الاجمل

[فهد العايضي]

المشاركة الأصلية كتبت بواسطة عاااشق نجد مشكور وما قصرت يا الغريب على القصه الجميله والقصيده الاجمل

هــــــــــــــلا و غـــــــــــــــلا

بـــاعــــاشـــق نـــجــــد

العفو أخوي

وشاكر لك المرور

[ابوسـعد]

[align=right]قصة جميله ومؤثرة ومعروفه وان شاء الله يغفر للمذنبين ويتوب عليهم فقد اخبر جل من اخبر حيث قال:"قل ياعبادي الذين اسرفوا على انفسهم لاتقنطوا من رحمة الله ان الله يغفر الذنوب جميعا" الله واكبر ما ارحمك واعدلك ايات بينات لأصحاب العقول...شكرا يالغريب على ما قدمت تسلم يالغالي[/align]

[فهد العايضي]

المشاركة الأصلية كتبت بواسطة ABOSAAD [align=right]قصة جميله ومؤثرة ومعروفه وان شاء الله يغفر للمذنبين ويتوب عليهم فقد اخبر جل من اخبر حيث قال:"قل ياعبادي الذين اسرفوا على انفسهم لاتقنطوا من رحمة الله ان الله يغفر الذنوب جميعا" الله واكبر ما ارحمك واعدلك ايات بينات لأصحاب العقول...شكرا يالغريب على ما قدمت تسلم يالغالي[/align]

هــــــــــــــلا و غـــــــــــــــلا

بــــابــــــــوســـــــعـــــــد


الـــعــفـــو أخـــوي

وشـــــــاكـــــر لــك الــــمرور والــــتـــعـــقـــيــــب

[بن مهدي]

[align=center]السلام عليكم ورحمة الله


اخي العزيز الغريب لاهنت يااخوي على هذي المشاركه


بالنسبه لمثل حبة الشمري ماقد سمعت فيه


بس عندي الوالد الله يطول عمره ومن يقراء

دايم يردد البيت الاول من القصيده


وفرح يوم قريت عليه باقيها



وماقصرت يا اخوي


ولك كل الود


اخوك بن مهدي[/align]

[فهد العايضي]

المشاركة الأصلية كتبت بواسطة بن مهدي [align=center]السلام عليكم ورحمة الله اخي العزيز الغريب لاهنت يااخوي على هذي المشاركه بالنسبه لمثل حبة الشمري ماقد سمعت فيه بس عندي الوالد الله يطول عمره ومن يقراء دايم يردد البيت الاول من القصيده وفرح يوم قريت عليه باقيها وماقصرت يا اخوي ولك كل الود اخوك بن مهدي[/align]

وعليكم السلام ورحمة الله وبركاته


هــــــــــــــلا و غـــــــــــــــلا


أخــــوي بــــن مــــــــهــــــــدي


الله يطول بعمرك وعمر الوالد ويخليه لك إن شاء الله

والله من ما يثلج صدري إن المشاركه أعجبتك وأعجبت الوالد

وأعجبت كل من يتصفح هذا المنتدى ..


شـــــــاكــــر لـــك الـــــمــــرور

[جراح العتيبي]

رحمت الله عليك يابصري الوضيحي


الغريب مشكوووووووووور على هالقصه والمثل

[فهد العايضي]

المشاركة الأصلية كتبت بواسطة جراح العتيبي رحمت الله عليك يابصري الوضيحي الغريب مشكوووووووووور على هالقصه والمثل

هــــــــــــــــلا و غــــــــــــــــلا

بـــــــــجــــــــــــراح

الـــعــفـــو أخــــوي

وشـــــاكـــــر لـــك الــــــمـــــرور

[إبن ثعلي]

ماقصرت يالغريب قصه رائعه
تحياتي