ياكليب شب النار ياكليب شبه

[الجُمـــانه]

ياكليب شب النار ياكليب شبه
عليك شبة والحطب لك يجابي


الكثير يعرف هذا البيت ولكن يجهل قائله

وماهي مناسبة قوله وبعهد من .. هذه القصه امل اني افيدكم بها :-

على وقت الامير محمد العبدالله الرشيد ذاع صيت / دغيم الضلماوي

الشلاقي الشمري ذاع صيته بالكرم وخاصة القهوة وقصيدته التالية:-


ياكليب شب النار ياكليـب شبـه

عليك شبة والحطب لـك يجابـي

وعلي أنا ياكليـب هيلـه وحبـه

وعليك تقليـط الـدلال العذابـي

وادغث لها ياكليب من سمر جبه

وشبة الياا منه غفى كـل هابـي

باغـي ليـا شبيتهـا ثـم قبـت

تجلب لنا ربعـا سـراة غيابـي

بنسريـةً ياكليـب صلفـا مهبـه

لاهب نسناسه تقـل سـم دابـي

سـراة بليـل وناطحيـن مهبـه

متكنفيـن وشوقهـم بالعـذابـي

الوالمة ياكليـب عجـل بصبـه

والرزق عند اللي ينشى السحابـي

صبة لقرمـاً صرفتـه ماحسبـه

يوم البخيل مكنهب الوجة هابـي

وصبة لمنعورين ليـا جـاة نبـة

يرخص بعمره والدخل لها ضبابي

وعدة عن اللي مايداري المسبـه

اللي يـدور بالقصيـر الغيابـي

عن الطيب عده نازلا لـه بغبـه

يضرب علي درب الخطا مايهابي

لا باطن الهلباج خطـوا الجلبـة

يا حلو خبط عصيهـم بالركابـي

أطمر لهم وأبدي سـلام المحبـه

لا جو على هجناً يديهم خرابـي

سلام أحلى مـن شخاليـل جبـه

وأحلى من السمن الجديد العرابي

مع كبشً مصلاح راسـه نجبـه

لا أدبر الهيـن متيـن العلابـي

خطو الولد يـوم الملاقـي نكبـه

يأتي علينا من حسـاب الزهابـي

وحتى يش لو يلبس وبينن وجبـه

معيرة علـى غضيـر الشبابـي

أنا لقيت الصبـر يازيـن غبـه

يرقيك روس مشمرخات الهضابي

من لاصبر ياكليب في حكم ربـه

هذاك يوم البعـث مالـه ثوابـي

يقولها اللي مـا حسـب المسبـه

ولا عرقل الاجواد ببعض الهلابي

هذا هـوى بالـي وهـذا مطبـه

من قبل مايسفح علينـا الترابـي



*****************************

سمع الامير محمد العبدالله الرشيد بكرم الضلماوي وكثر ذكر الناس فيبي يشوف عن الضلماوي وصدقه يوم يقول :-

الوالمه يا كليب عجل بصبـه

والرزق عند اللي نشى السحابي


يوم جاء تالي ليلة من الليالي قال الامير لبعض اخوياه الخاصين ترانا نبي نسير ولاعلمهم بوجهته ويوم جاء تالي الليل الا يوم نوخو على الضلماوي فقام الضلماوي ورحب بهم يوم دخلو الرقة وشاف الامير محمد الوجار إلا والله الا النار حيه ووالمه على النار وصب لهم الضلماوي من الوالمة وقام يحمس الثانية وقبب النار .

قال الامير محمد :- ما تقولي يالضلماوي وش عندك به يوم انك تقوصد يا كليب يا كليب . فعرف الضلماوي ان الامير زعلان فقبلة وقام ومد يده للامير وقاله :-

مده رهن لولاك ماقلت ياكليب

ولا قلت شب النار وصر موقدا له

في ليلة تجدع سواة المشاهيب

نسرية تلصق خليل لخله

نطعن بعزك ياحصان الاطاليب

عسى الله جمع حزمتك ما يفله

يالجوهر الناريز يالمسك يالطيب

يا عنبرا من جربه مايمله

تكفي محاليب وتملى مجاليب

وكبد تيبسها وكبدا تبله

ياطير شلوى مالقي بك عذاريب

لو تستحتي ما تجمع الطيب كله

يا بو اليتامى والارامل ومن عيب

وأبوا لمن صار العصى ثالث له

وابو المحرول والاعمي والمحاديب

ومن ضامته بعقاء تصير ولدا له

أن كان هرجي به عليكم عذاريب

سامح عسى اللي عقبك بألف حله


وعقبة قال الامير محمد العبدالله يالضلماوي قال نعم قال والله ماتشريه غير ماشريته مدام ان حي كل مااحتجت تجي يمي وتاخذ حاجتك عقبة قام كل سنة يقيض بالديرة ويقولون يبني بيته بشعيب ابو جرف اللي جنوب عيرج اللي هو الشارع الجنوبي الان لثانوية حائل في المنطقة الشمالية للسعودية


أن شاء الله تكون أعجبتكم



http://www.qassimy.com/nu/voices-act...ow-id-2359.htm

[» عبدالعزيز «]

:)

:)

أخت عبدالعزيز //

يعطيك العافية ع النقل الجميل
وصح السنتهم ويسلم مهناا ع الشيلة الروعة

شكرا ..

[حنين الروح]

قصيده رووعه والقاء ارووع

اخت عبد العزيز

لااهنتي على نقل قصة القصيده :)

يعطيك العاافية

[الجُمـــانه]

شكراً أحرجتوني

[ولايـــف]

والله المقطع حلو
إلي الامام أخت عبد العزيز

يعطيك العافيهـ