قصيدة(اًٍَُِلـًٍَُِصًٍَُِـلحًٍَُِ)ولقب(اًٍَُِلًَُِ ٍـمًٍَُِـصًٍَُِلحة)من ملفي المورقي وتركي2000

[ـالـذيـابـي]

يالله ياللي تعطـي الـرزق والخيـر
وامرك يجي عاجل ولافيـه تأخيـر
سبحانـك الله يامـلاذ المخالـيـق
سبٌح لك الانسان والحـوت والطيـر
انت الاله اللي لـك الهامـه اتطيـح
باول طلوع الفجـر للثلـث الاخيـر
يـارب حنـا نطلبـك ونتـرجـاك
ارضـاك والجنـه وكـل التياسيـر
يارب عطنا مـن فضايـل مخازنـك
انت الكريم اللي تسـوق التباشيـر
ثـم بعدهـا ياسامعيـن المثـايـل
سـلام منـي يالرجـال المناعـيـر
سلام ٍ احلى من حلا السكـر الزيـن
والذ واطيب من حليـب المصاغيـر
واجمل من الازهار واغلى من الماس
تستاهلونـه يالوجيـه المسافـيـر
من قدٌم المعروف يجـزى بمعـروف
ومن قدٌم التقديـر يجـزى بتقديـر
ودٌي اناقش لي مع الناس موضـوع
واخص به منهو على دينـه يغيـر
تكفـون ياتبٌـاع سـنٌـة محـمـد
تصالحوا والصلح بين العرب خيـر
الدٌين وصٌانا على الصلـح يانـاس
وحذٌر من الهجران والحقـد تحذيـر
اخوك فـي دينـك ليـا زل يافـلان
لاتواخذه مهما حصل منـه تقصيـر
يمكن عليه هموم وديون وظـروف
ويمكن عليه احوال من طابع ٍ غيـر
ان جيت تبغى تناقشـه ليـه زلٌيـت
ابليس حضٌر بينكـم يلعـب الزيـر
كبرت وصارت مشكله مالها حـدود
وتطورت مابيـن بـرق ومعاصيـر
لكـن خلٌـه وادع مـولاك يهـديـه
والرجل يرسي مثل ابانـات والنيـر
والرجل واضح مثل ماتاضح الشمس
بالصبر والحكمه وحسـن التدابيـر
الرجـل يحلـم فالغضـب ويتحمٌـل
وصيٌـة محمـد لكـل الجماهـيـر
الدين مايبغى العرب دايـم اشتـات
الديـن يبغانـا جمـوع وطوابيـر
والفتنه اللي جالهـا راس ولسـان
دقٌوا على الفتنه حلـوق ومساميـر
عدواننا تفـرح ليـا صـار تفريـق
عبٌـادة الاوثـان نفٌاخـة الكـيـر
هل الصليب اللـي عليهـم ضلالـه
ولا ٌ اليهـود الحاقديـن الخنازيـر
اللـي يسبٌـون النبـي والصحابـه
بحماية ٍ من بوش مع تونـي بليـر
يابوش كان النفس غرٌتـك يابـوش
لابد مـن يـوم ٍ تجيـك المقاديـر
اقرب مثل ماشفت وش صاب شارون
جاه العذاب ولامـع الحـق تزويـر
لكـن يالله ياعلـيـم ٍ بـالاحـوال
يالله عساهـم كلهـم فـي زمهريـر
لايفرحون وجعلهم فـي ردى حـال
جاهم عذاب الله بشتٌـى التصاويـر
والله مايهـمـل ولـكـن يمـهـل
كـم واحـد ٍ دنيـاه غرٌتـه تغريـر
وارجع على المعنى واعيده واكـرر
لوكـان مايحتـاج اعـاده وتكريـر
مادام بوش وصاحبه ضـد الاسـلام
كيف انتهاوش يالرجـال المشاهيـر
لابد نوضـع للفتـن حـد وسـدود
وكل ٍ يزيل الطين عن جمٌـة البيـر
مهما يعيش العبد عـام ٍ ورى عـام
سهـوم بقعـا ورْد ولا ٌ مصـاديـر
لاتحسبنـك فـي حياتـك معـمٌـر
ساعـات عمـرك يالبنـادم مدابيـر
تكفـون ياتبٌـاع سـنٌـة محـمـد
تصالحوا والصلح بين العرب خيـر

[المبرمج]

صحت السنتهم