لا بكى ينفع ولا شكوى تفيد !!

[متفائل بحذر]

صدق من قال .. من الحب ما قتل
فالحب من أصدق المشاعر و أنبلها .. في حال التوافق وتبادل المحبه
والحب من أكذب المشاعر و أكثرها خسة ودناءه .. اذا ارتبط بالوهم .. و الخديعه
هكذا رأيت الحب .. قد أكون صائبا .. وقد أكون مخطئيا .. وقد أكون مجنونا !! .. من يدري
جادت قريحتي الشعريه .. وعاطفتي الصافيه النقيه .. بهذه القصيده المتضاربة العواطف والمتناقضه أحيانا
أتمنى لكم السعاده والتوفيق .. وأتمنى منكم نقدي .. ونصحي .. وارشادي ..


[poem=font="Simplified Arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
لا بكى ينفع ولا شكوى تفيد = ياللي حبك وسط الأضلاع ما مات
دمع عيني على خدي أصبح شهيد = وأنت ما أظن عينك هلت العبرات
أصيح وأبكي ثم أبكي و أزيد = لعل الدموع تشافي الجروح الغايرات
أصبح و أمسي ثم أصبح ومابه جديد = غير همك ما تشيله الجبال النايفات
حبك في قلبي سقيته بالوريد = وش سقيتني يا ناكر المشاعر الصادقات
هم(ن) وغم(ن) وزود مر وجحيد = طعنات غدرك في قلبي بارزات
يا إما تكون على درب المحبه ما تحيد = وإلا فراقك يا صاحبي أبرك الحزات
يا أهل الهوى مافي الحب أمر(ن) حميد = يشهد علي الله أسهر الليل ما بات
ضاعت صحتي وصابني باس(ن) شديد = الحب يا روحي من أعظم البلوات
حلفتلي وعاهدتني عهد(ن) عهيد = ما يبعدك ظرف(ن) ولا تغيرك سنوات
واليوم وصالك صار أبعد من بعيد = أنشد عنك نجد وجبال السراوات
عاذرك لنك نذل وللنذاله حفيد = الوفاء ماهو من سلوم المطيريات
أعيد وأكرر ثم أكرر وأعيد = هذا كلامي ياللي تكيل للقلب طعنات
تعبت أنا من كثر ما أنظم قصيد = الشوق بيت والحزن باقي الأبيات
يا إما تكون على درب المحبه ما تحيد = وإلا فراقك يا صاحبي أبرك الحزات[/poem]
متفائل بحذر
26\6\1426

[سليل سيوف]

[align=center]صح لسانك وسلمت اناملك






تحياتي[/align]

[متفائل بحذر]

صح بدنك .. يعطيك ألف عافيه

[ღالمقاطيღ]

صح لسانك مليوووووووووووون علي القصيده الجميله اخوي متفائل بحذر

[متفائل بحذر]

صح بدنك يا المقاطي .. يعطيك ألف عافيه
ومشكور على المرور .. والشرطه .. والدفاع المدني
هههههههههههههههه
سعيد جدا بمرورك

[فهد العايضي]

صح لسانك يامتفائل

ويعطيك ربي الف عافيه على هالقصيده الرائعه

[النـايــــــف]

صح لسانك اخوي متفائل بحذر


وابي ادخل لوحة التحكم وابي اعدل لك اسمك

[متفائل بحذر]

شكرا للجميع .. ويعطيكم ألف عافيه .. وشكر خاص للإداره لتعديل نكي
لكن أنا استغرب .. انا استخدم متصفح موزيلا .. والقصيده غير ظاهره .. فهل تم حذف القصيده .. أتمنى أن لا تكون حذفت .. وأن يتم حذف البيت الغير مرغوب فيه ..

تحياتي للجميع ..

[ابوسـعد]

القصيدة موجوده بزمها وعراها وما عدل شي ويعطيك العافيه علاها

[متفائل بحذر]

الله يعافيك .. فعلا انا كان عندي مشكله مع المتصفح موزيلا ..
مشكور .. يعطيك العافيه ..