هذي معاناة فتاة ياليت يقرونها الشباب قبل البنات ‎ قصة حقيقية مؤثرة!!!

[نونا 7]

السلام عليكم اخواني هذه القصة اثرت فيني كما اثرت في غيري واردت ان اعرضها لكم...
هذي القصة من اولها لاخرها_قصة فتاة وصلتني بالاميل -**
تخيلوا لو انتو او اخواتكم مكان اللي صار للبنت ممكن يصير لاي احد ومن ستر على مسلم ستره الله في الدنيا والاخره** انا انسانه عمري 21واحب الذكريات والتصوير خصوصا اذا كانت في سفر او في مواقف تحصل في العائله المهم انا موحقت لافيس بوك ولا بالتوك ولا مغازل ولا يحزنون بس احب اصور نفسي كثير بما اني بنت ومعجبه بنفسي المهم انا دايم اصورنفسي وفيه صور مالها داعي واللي يشوفها يقول عني بنت صايعه وانا ما اقصد فيها شي اصوراولاد اخواني واخواتي واخواتي المهم اخواتي كلهم متزوجات واحب التصوير اذا تمكيجت واذا جيت البس لبس جديد وحرصي على الصور انقلتها كلها من الكاميرا الى الاب توب ولما تعطل الاب توب قررت اوديه الى محل عشان يتصلح واخذت كل الصور اللي في الاب توب ونقلتها الى جوالي وحذفت كل الصور من الجهاز المهم في نفس اللحظه قالت لي امي انها تبي تروح اسواق المملكه وكنا في وسط الاسبوع وكان العصريوم الاثنين 15-12-2008م وقالت لي روحي معاي وهذا طبعا لان كل اخواتي متزوجات وفي بيت ارجالهم قلت لها اوكي حتى اني ما لبست كويس لان امي تحب تروح مملكة المرأه اكثر شي لانها تشتري الانجري من هناك وتستحي تشتري من محلات الرجال وبعد ما وصلنا لمملكة المرأه اخذنا لفه على المحلات..

[نونا 7]

***(تكملة القصة)***وكان جوالي فيه كل الصور اللي حذفتها من الاب توب فجأه رن جوالي واطالع الجوال إلا اختي الكبيره تقول ليه ماتردون على البيت وقلت لها ان احنا طالعين قالت لي عطيني امي ابي اكلمها عطيت انا امي الجوال وكنت حريصه على جوالي عشان الصور امي قفلت وعطتني الجوال ولما جينا نطلع من السوق وجيت ادق على السواق إلا فجأه مالقيت جوالي كبيت كل اللي في الشنطه فسخت العباية دورت في جيوبي فتشت امي مالقيته حست مملكة المرأه وحست الدنيا وصرخت وبكيت وقلت لامي فيه صورنا كلنا اللي في الكاميرا واللي في الاب توب وصور اخواتي كلهم ودرت في كل المحلات وكل مكان وانا اتحيسب وين راح الجوال ياليتني ما طلعت ياليتني مارحت بموووووووووووووووووووت من القهرحتى امي صارت تبكي ودموعها كأنها نار في قلبي طيب صوري انا المسؤوله بس اخواتي كلهم متزوجات صرت اشوف في وجهي وانا ادور مثل المجنونه وجيه رجال اخواتي يارب خاف تنتشر دورت حتى في الزبايل في الممرات في الحمامات مالقيته وانا متأكده ان حد ما خذه بخفه مني بس المشكله اني كنت في مملكة المرأه وشلون ؟؟؟؟؟؟؟؟؟؟؟؟هذا الايميل اكتبه وانا ابكي وميته من القهر وانا حاسه ان اللي صار عشان اخذ درس وهذا شي مكتوب يارب تستر علي وعلى اخواتي لاني خايفه الصور تطيح في بنت ما تخاف الله وتنشرها اماااانه اذا شفتوا صور بنات لاتحاولون تنشرونها واذا وصلك الايميل وانتي كنتي شايفتني لاني جلست الحد بعد العشاء وانا انتظر واحوس عليه ما اقول الا حسبي الله ونعم الوكيل في اللي اخذه لأن اختي درت عن الموضوع وانهارت وترقدت في المستشفى وامي انهارت ما كانت روحه جيت ارضي امي وانفضحت انا لله وانا اليه راجعون
((وبشر الصابرين الذين اذا اصابتهم مصيبة قالوا انا الله وانا اليه راجعون))

[نونا 7]

***(تكملة القصة)*** والمشكله اني خبيت على اخواني الشباب الموضوع وخفت منهم لان لهم صور معاي يااااااااااااااااااااارب تستر علينا حسبي الله لا اله الا هو عليه توكلت وهو رب العرش العظيم والمشكله ان اخواتي ما يبون يعلمون رجالهم خااايفين وانا خايفه على ابوي ومن اخواني ما ادري وش اسوي --- فاياليت احد اذا شاف صور بنات لايساعد في نشرها خصوصا اذا ما كانوا البنات من ضمن الفنانات و المشاهير ووجيهم واضحه لاتنشرونها رجاااااااااءً انا خسرت صورنا كلها ما ابي اخسر سمعتي واخرب بيت اخواتي لان الجوال فيه اكثر من 500 صوره وفي واحد من رجال اخواتي شكاك وملتزم ووحده من اخواتي ماصارلها شهرين متزوجه رجاءً ترسلون هذا الايميل الكل اللي عندكم الله يستر علينا وعليكم دنيا واخره .... وشكرا هذه القصة جاتني على الاميل ولفتت انتباهي...
( اخواني عن جد هذه القصة تجعل الانسان يتعض من شي اسمه جوال ولاب توب)
والله يستر على بناتنا ويحفظهم ويستر عليهم
آآآآآآآآآآمين ..
تقبلوا مروري ولكم فائق تقديري

[روقي قرم]

ان شاء الله يطيح مع ابن حلال والا بنت حلال يمسح الي فيـه

وانتي الله يهديك كان المفروض من اول ماتحفظين صور سوا في جهاز كمبيوتر او جوال


نقول الله يحفظكم ويستر عليكم والمسلمين اجمعين

من توكل على الله كفـاه

بحفظ ربي..

[نونا 7]

المشاركة الأصلية كتبت بواسطة روقي قرم ان شاء الله يطيح مع ابن حلال والا بنت حلال يمسح الي فيـه وانتي الله يهديك كان المفروض من اول ماتحفظين صور سوا في جهاز كمبيوتر او جوال نقول الله يحفظكم ويستر عليكم والمسلمين اجمعين من توكل على الله كفـاه بحفظ ربي..

القصه حقيقية بس مو فيني قراتها في احد الاميلات...

[نونا 7]

هذه قصة حقيقية قراتها في احد الاميلات ( بسم الله علي من هالسوالف)
*****************
لكن انا شخصيا لا ولن اؤيد التصوير لابالجوال ولا بالاب توب والله يستر على البنت اللي صار فيها كذا............ وشكرا

[دمي عتيبي]

لاحول ولاقوة الا بالله

الله يعينها ويسهل امرها يااارب

وان شاء الله يطيح في يدين ناس ماهمتهم الصور

وهذا عيب التصوير الشخصي في الجوال او الاب توب

الله يهدي الجميع ويكون بعونهم

تسلمين على نقل الموضوع

الذي قد يكون عظه وعبره لصاحبة القصه ولمن يقرأ الموضوع

/


،

[$رفيع الشأن$]

بسم الله الرحمن الرحيم



الله يستر عليها وعلى بنات المسلمين




رحماك ربي

[M.A.N]

مشكورة على الطرح الموفق ..!