الواحد اللى لاكريم ولاحكيم ولاشجاع ....... مفروض يعطي ثوبه الحرمه ويلبس ثوبها

[ملكة الأحساس]

قصيده اعجبتني للشاعر وصل العطياني وحبيت انقلها لكم

تقول القصيده


[align=center][frame="4 80"]العمر يفنـى والحيـاة أحـلام والدنيـا متـاع
يا كمّ نفـسٍ روّحـت مـا حقّقـت مطلوبهـا
يا منخدع في ضحكة الدنيا ترى الضحكة خـداع
لا تأمن الدنيا ولو تضحـك لـك مْـع جنوبهـا
إن ما تغانمت المراجل قبـل ساعـات الـوداع
بَعَد وفاتك ماهي بصوبـك ولا انـت بصوبهـا
والمرجلة ماهيـب سلعـة تنشـرى والاّ تبـاع
كم ناسٍ يقومون ويطيحون مـا فرْحـوا بهـا
اللي مولّع بالضياع يـروح لـدروب الضيـاع
واللـي مولّـع بالمراجـل مـا يغـرّ دروبهـا
الطّيب بيِّن ومتعيِّن مـا علـى وجهـه قنـاع
لكن بعض النـاس عميـا والجَهَـل عذروبهـا
والغيب ما يُعلم لكـنّ العقـل سِيـد الإختـراع
ليا اشتغل عقلك عرفت الناس وش ف"قلوبهـا"
وإن كان ما انته مستفيد من الدّماغ الاّ الصّداع
ما غير حـظ الصّيدليّـة مـا تبـور حبوبهـا
لا صرت ما تتعب على ( والنِّعم ) قدر المستطاع
صدّت ولفّت لك ظهَرهـا واعْطَتِـك عرقوبهـا
وليا تملّكْت الكـرم والحكمـة وطـول الـذراع
لا تشغلك نفسـك تـراك اعطيتهـا ماجوبهـا
والواحد اللي لا كريـم ولا حكيـم ولا شجـاع
مفروض يعطي ثوبه الحرمـة ويلبـس ثوبها[/frame]ـا[/align]

[كان موجود]

[align=center]تقول صح لسان شاعرها حتى لو ما سمعناها :)
مافيش حاقه :)[/align]

[ملكة الأحساس]

[align=center]ههههههههههههه

تقوووول

اتمنى يكون لك رجعه وتسمعني


يعطيك العافيه على مرورك

وتعطيرك صفحتي[/align]

[تركي ابن خالد]

::

..

ذائقه أشبعت الحواس ، كانت زُلال ..؛

شكراً لكِ.


..


::

[ملكة الأحساس]

[align=center]تسلمين يالغاليه

ويعطيك العافيه على المرور[/align]

[الخديدي 511]

يعطيك العافيه مشكوره ع الابداع
تقبلي مروري
الخديدي 511

[كــــآتــم المـــــعنى]

لا صرت ما تتعب على ( والنِّعم ) قدر المستطاع
صدّت ولفّت لك ظهَرهـا واعْطَتِـك عرقوبهـا

صح لسانك يا وصل وقصيده طيبه

وتسلم يمينك يا عاشقة عتيبه على تحري الدقه والنقل الجميل والرائع

ولا تحرمينا جديدك