.. بسم الله الرحمن الرحيم ..
.
.
.
(( يا طلال ))
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خاطري محتار والهاجس غضب=والمشاعر بالخفا جاله زفير
كلمةٍ قيلت وأنا له منتصب=خاسيٍ من قالها قلبه ضرير
.. " يا طلال " .. أفديك لو كلي عتب=وإن خذلني قرش روحي لك تسير
مادريت إلاّ بعد فك النشب=وأندمل جرح الخطيّه يالأمير
إستمع في قول من قوله ذهب=أسلميٍ جازعلك من ضمير
من حكم في نجد قرنٍ يا عجب=كيف ينسى حق من حقه كبير
صدق وقتٍ صار يرفع للذنب=ضيع الأسياد ويعز الحقير
وقتٍ أنسى العين معكوف الهدب=وصارت البومه مع النادر تطير
ولا يهمك قول من قال وكذب=الشرف والطيب للخايب عسير
يوم وقت السيف والنار والحطب=ماخذيت العز من شرحة وزير
أخذين العز بالسيف الحدب=في أسيوف مرجهنت بالجفير
أنت ولد الحُر وأسياد العرب=لو جزع منها الموظف والسفير
كانها بالأصل ياقوى النسب=من أشيوخٍ باللقاء تعم البصير
شمريٍ لا ضرب زاد العطب=يشهد التاريخ والوقت العسير
كم شيخٍ من فعايلهم ذهب=ناحته بالليل من تلبس حرير
وكانها بالطيب والصدر الرحب=مالنا بالطيب والفزعه خشير
والسناعيس إن نخيته لك تهب=نركب الهيّن وننزل للخطير
ما نهين النفس لو مات العصب=وبالردا ما يوم طعنا لشّوير
والعدو منا تراهو قد شرب=كاس ذلٍ يقلبه لو هو مرير
وإنشد التاريخ يا ملق الخطب=لا تفوّه دون تدري وش يصير
من ضرا يرقا المعالي والصعب=ما يسده بالعلا شيٍ يسير
صدق حام النار من قو اللهب=ما يجيب الطيب نومن بالسرير
ليت راع الشين ريحه ما تهب=وعن كلامٍ قال سرعه يستخير
ما كتبت القاف يا ذخري طرب=غير من همٍ بقلبي يستدير
والنهايه قلت وأنهيت العتب=لا يهمك قولهم أنت الأمير[/poem]
.
.
.
[ الله يرحمك يا تاج راسي ]
سطام فيصل الأسلمي الشمري
| 
|
11-20-2008, 01:36 PM
مُجاراة لقصيدة الراحل طلال الرشيد ( اللقب ) !
العرض المتطور
