[align=center]هذه قصيده قلتها في صاحب السمو الملكي الأمير سلمان بن عبدالعزيز آل سعود
أمير منطقة الرياض
[/align]
[poem=font="Simplified Arabic,4,black,normal,normal" bkcolor="transparent" bkimage="backgrounds/20.gif" border="inset,4,gray" type=2 line=0 align=center use=ex num="0,black"]
باسم الله العالم بكل السراير=هذي بيوتي صغتها من محلّي
ألفن عليّه بين ورد وصداير=ما جاز جبته والرديه تولّي
قعدت مدّه بالتفاكير حاير=من زينها في زينها وش نخلّي
عزّ الله إن الّلي خطر من خطاير=فالوصف فاق الوصف والوصف جلّي
في مدح أمير العزّ نون البصاير=نحبك ونسبك ما يطيب ويسلّي
سلمان يا سلمان عز وبشاير=لو نكتب حروف الدهر ما تجلّي
أنتم هل السطوه وصدّ الغواير=وأنتم هل البطش الشديد المِكلّي
وأنتم سيوفٍ مرهفات وشطاير=والخصم قبل الموت لازم يذلّي
صلفٍ على الصكّات زين الدباير=محفوظ فالتاريخ وسط السجلّي
لن جيت للشدّات بركان ثاير=ما ينتناحا,, فيه طبع وجبلّي
ولن جيت لليسرى تراها غزاير=للّي يّجيه الباب فاتح يهلّي
خصلات جوده عدّ نثر القطاير=من مزنةٍ للكون كلّه تظلّي
المجتمع ينعم بنعم الحراير=ما من عضيله تِطرح ألا تحلّي
الله يا جعل الدّين والامن ساير=في هالبلاد العامره ما يكلّي
والخاتمه نختم بريح العطاير=المعذره لن كان طحت ابمزلّي
وصلاة ربي عد ما طار طاير=على النبي يا قوم كلٍ يصلّي[/poem]
[align=center]سيف بن مسعد الروقي[/align]
| 
|
10-28-2008, 10:32 AM
سلمان يا سلمان عز وبشاير
العرض المتطور
