شوق النصر للفوز / بعد الهزايم

[نادر النمر]

[align=center][align=center][align=center]إليكم مع التحيه .. [/align]

..


..[/align]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مااقدر أجرح فيك .. وأجرح مشاعرك = ويصير جوك ياأريش العين غايم
ماأحتاج أطالع في عيونك / وخابرك = وأعرفك لامن صرت شاره ولايم
وعليك لاضاقت ماأخليك أغيرك = ماوالله أخليك بـ ( الهم ) نايم
أضيق العالم ولايضيق خاطرك = يامكسبي .. مدري ياكل الغنايم
أمر وأنفذ لك حبيبي أوامرك = ياللي بــ ( حبك ) صرت صاحب جرايم
صحيح قاومتك ولكن مأاقدرك = جلست من ( زينك) وأنا كنت قايم
مادام زينك في جماله / محيرك = وشلون فيني ياعبير النسايم ؟
أشتاق لك بين الدقايق وأدورك = شوق النصر للفوز .. بعد الهزايم
ويقودني شوقي واجي لك .. وأسامرك = والشوق طير ٍ في سماء الحب حايم
بس الذي تخفيه عني بـ(مظهرك ) = وشهو ؟ ترا ضاقت علي الخرايم
أن قلت لي .. ولا فلاني بـ( جابرك ) = ترآي عن بعض السواليف شايم
صعب ٍ علي أنساك و أصلا ً / أبشرك = إني بـ ( عينك ) صرت مغرم وهايم
شاري وصالك جيت من قبل أشاورك= شاري وصالك جيت .. ماجيت سايم
جيتك وأنا هالك ولا ودي أخسرك = وعن وصل غيرك يامنى الروح صايم
ماأبيك تنهاني ولانيب أمرك = يابحري اللي صرت أنا فيه عايم
أيوالله أني موووت .. أحبك وأقدرك = ومن زود حبي / ودي أجيك دااايم [/poem]

..

[align=center]وسلامة قلوبكم ,,, [/align][/align]

[شاعر المرأه]

شوق النصر للفوز بعد الهزايم هههههههه




هذا البيت أضحكني رغم ان القصيده حزينه




صح لسانك وعلاشانك ياجزل كماعهدتك مبدع يانادر

[ظافر العتيبي]

أشتـاق لـك بيـن الدقايـق وأدورك
شوق النصر للفوز .. بعـد الهزايـم
ويقودني شوقي واجي لك .. وأسامرك
والشوق طير ٍ في سماء الحب حايـم


وقلبك سالم وصح لسانك


مبدع كالعاده الله لايهينك

[ناصر بن سعدي]

الغالي

نادر النمــر ...


صح لسان مليار ..

بس وش تدور عند النصـــر <<يدور القشــر :)



صح لسانك يارائع ..

نص في منتهى الجمال ..


وتقبل خالص تحياتي ..

[إبن ثعلي]

صح السانك يانادر ولاهنت قصيدة ولا اروع منها خصوصا بيت شوق النصر للفوز بعد الهزايم
وتحياتي لك

[تركي ابن خالد]

::

.. نآدر النمر ..

صح الله لسانك

وبيض الله وجهك


مبدع ومتميز

تحياتي لك.


::

[نادر النمر]

[align=center]شاعر المراه

صح بدنك وياهلا وغلا .. ودوم هالضحكه .. والبيت هذا بمناسبة فوز الهلال أمس على النصر .. ;)

وشاكر لك مرورك وتشريفك لاهنت .

,,[/align]

[الدَعْجَانِـيـْةِ]

[align=center]سلمت خيووو

وصح لسانك

قصيدة جميلة

سلمت يمناك

/

أشتـاق لـك بيـن الدقايـق وأدورك شوق النصر للفوز .. بعـد الهزايـم

8
8
8

لاعاد تعودها

صح السانك يانادر ولاهنت قصيدة ولا اروع منها خصوصا بيت شوق النصر للفوز بعد الهزايم وتحياتي لك

8
8
8

حتى أنت يا إبن ثعلي

يعطيك العافية خيوو

دمت بخير

.[/align]

[مشعل العتيبي]

[align=center]:)


نادر مبدع

وجزله من جزل

ووافيه من وافي

صح السانك عدد ماقيلت

ولاشنت[/align]

[نادر النمر]

[align=center]ظافر العتيبي :

هلا وغلا ومروك شرف .. وصح بدنك .. وكل الشكر على حضورك وتشريفك .


كل التقدير ..

..[/align]