آمســــــــه ...وبن عون والعطاوي

[العفار]

[align=center]حين يكون الصوت صوت عبدالله بن عون .. يمتلئ المكان بالشعر ويختزل الزمان الوقت لتذهب في رحلة يغلفها الإبداع . [/align]





[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لابـاس ياقلـب ٍ همومـه تلامـسـه=بيدينهـا فـي كـل ليـل ٍ تخامسـه
مايتركنه يـوم واحـد مـن الشهـر=ولهن عليه إليا إنتحى الليـل رامسـه
وروح ٍ بنيـران المحبـة تحـرقـت=عليها الغـرام مصولبـاتٍ محامسـه
وعين ٍ ليا جـا القلـب يدلـه تذكـره=عنودٍ تجدد مـادرس مـن روامسـه
ليا عرضت خطوا هنـوف مخفـره=حورية التوصيـف بالزيـن طامسـه
تجـر ذعـذاع الهـوى فـي شليلهـا=كما وردة ٍ في مدرج السيـل غامسـه
في فيضة ٍ ريح البختـري عطورهـا=ممطورة ٍ مثل أمس واليـوم شامسـه
ماطب فيها ألا بعـض شـرد المهـا=والطير توحي في طرفهـا هوامسـه
فلا عاد أجيد السالفـة مـع منادمـي=كن النهار بعيني الليل دامسه
ياوصـل ٍ شاعـر هـوازن تعلمـه=عن حالي اللي واهج الحـب حامسـه
ناده بصـوت ٍ شاهـر ٍ ليـن ينتبـه=وقله رفيقـك مخلـب الهـم لامسـه
وأنا خابره كـل الصعايـب يرومهـا=على النوز ماتخط الضرايب نيامسـه
تكفا يابـو نـواف روحـي تعلقـت=في واحد ٍ عنها الرجا الياس طامسـه
وأخر ماأقوله لك ترى قلبـي إحتـرق=كما لمبـة ٍ فيهـا السلـوك متلامسـه
من واحد ماهوب يـاوي ليـا كـوى=كوى القلب بأربع وألحق الكبد خامسـه [/poem]





[align=center]وحين يكون الصدى من شاعر هوازن .. حتما ً سينكسر الشعر خضوعا ً وخنوعا ً لذلك الصدى .. وربما يحتوي هذا الصدى كل ذلك الصوت . [/align]




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لاباس ياشاكي مـن الهجـر والنيـاي=شكي هـوى خـلٍ بعـادٍ مرامسـه
لجيت من شكوى خليلي من الهـوى=وأمسيت فكري غارق ٍ في قوامسـه
وشلون أجاري راعي الفـن بالمثـل=وخيول عزمـي سابقتهـا عرامسـه
لبيـت صياحـه وعجلـت فزعتـي=وفرسان جهدي من عنـاه متعامسـه
ونخيت عواني على الشعر واسكتـوا=صم المسامع والنواظـر طرامسـه
وقعدت كني را هب ٍ وسط صومعـه=إلا ما إنتحى ليلي وقفـت خرامسـه
وأمسيت كني راعي الـذود فالخـلا=وأصبح بدال إبله قطيـع الجوامسـه
في مهمـه ٍ قفـر ٍ خلـي ٍ بلاقعـه=حافي وخالية ٍ مـن المـا ترامسـه
يابن عون مبلي الهوى كل ماإنكـوى=وأصبح بكا من جور يومه على آمسه
تعبر بقيس وماجرالـه مـن العنـا=تمخلا بقفر ٍ عاري ٍ مـن دهامسـه
فالصبح يقفي كنه الوحـش فالخـلا=وفالليل عجل ٍ يـم ليلـى هرامسـه
كل ٍ يبي يقطف من الـورد ماحـلا=لكـن دون الـورد يوذيـك نامسـه
وأنا أقول ياراع الهوى وادع الهوى=ليا صار دونه كاثـرات ٍ كعامسـه
ليا صار مالك حيلة ٍ فـي مواصلـه=وجرح المحبه في ضميرك مغامسـه
إرم العزا وإترك يابن عـون مابقـا=والتيل لا يجرح مشاعـرك هامسـه [/poem]

[إبن ثعلي]

مشكور يالعفار على ايراد هاتين الرائعتين لشاعرين من اعلام الشعر والعلوم الطيبه
تحياتي

[ღالمقاطيღ]

يعطيك العافيه وصح لسان الشاعرين


وسلمت العفار علي النقل الجميل

[فهد العايضي]

[align=center] صح لسانك يالعفار ولسان الشاعرين

ولا ههنت على النقل[/align]

[النـايــــــف]

مشكور يا العفار


على هذا الاختيار


وبيض الله وجهك يا الغالي


تحياتي لك ،،،،،،،

[** راس حربه **]

العفااار ياسلام على الاختيااار الجميل والرائع

وتسلم على مانقلت ويعطيك العافيه طال عمرك