أحبك للشاعر عبدالله العلاوة

[نايف سعدالحارثي]

احبك يابعد عمر السنين اللي مضت واهـواك
انا لولاي احبك مادفيـت براحـت ايدينـك

رحلتي والسنين بلهفة الذكرى تسوق خطـاك
وجيتينـي بلهفـه ذكرتنـي بـاول سنينـك

تعالي للعيون اللي حرمها الوقت من لامـاك
ولك مني وعد ماعاتبك واقـول لـك وينـك

ابا أضمك لصدرٍ عاهد انه مايضـم سـواك
ثيابي لايـبللها سحـابٍ هـل مـن عينـك

انا اللي في منام الناس كنت اسهر على ذكراك
اقلب دفتر اشعاري افتـش عـن عناوينـك

احب من الليالي اليله اللـي تنقضـي ويـاك
واحب من الكلام الكلمه اللـي بينـي وبينـك

عشقت من العسل شهد محلى من رحيق شفاك
زهور الكون ماتشبه لزهره مـن بساتينـك

تربع في ضواحي قلب لو تنسـاه ماينسـاك
ولو هلت مزون دمـاه ماتضمـى شرايينـك

احبك وامر الخافق يطيعك غصب مايعصاك
انا والقلب لو حكمك علينـا ظلـم راضينـك

واذا إنك تحسبه ضعف مني يوم اقول اهواك
عليه بالطلاق انـي لهيـن القلـب واهينـك

[فهيد مقعد الرويس]

[align=center]صح السان شاعرها

ولاهنت يانايف على النقل

تقبل اطيب تحيه[/align]

[نايف سعدالحارثي]

تسلم أخوي فهد

نورت بوجودك