[poem=font="Traditional Arabic,7,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مرحبآ عبدالعزيـز ومرحبـآ أهـل المدينـة =عد مابراقها يخطف مـن المزنـه مطرهـا
مرحبا والشعـر غيـثٍ مايحـل الا بحينـه =كـل ماحنـت ضواميهـا هماليلـه نثـرهـا
ترتوي منه الصدور وتمتلي لو هي حزينـه =والله إنه سارق قلوب المخاليـق وقهـرهـا
لا نطق جاب الثمينه ,, وإن سكت جاب الثمينه =تعشقه كـل النجـوم ولا يعشـق الا قمرهـا
وقفته وقفة شجاعٍ سـل سيفـه مـن يمينـه =أو بلاش من الشجاعه وقفته كل ٍ خبرهـا
شاعـرٍ مايحتمـي ميقافـه الله لا يهيـنـه =ودك انه كل ماطالـت دروبـه يختصرهـا
ياسلام الشعر أسوقه في سـلام وفـي سكينـه =والقصايد من وراء حدب الضلوع الله أمرها
سيدي عبدالعزيـز,, الشعـر حنـا وارثينـه =والعرب هذي منازلها وهـذي هـي ديرهـا
دامي سعودي فـأنا قـد المهمـة.. والسفينـة =مالهـا إلا اللي يرسيهـا علـى طايـش بحرهـا
الوكاد اني زهمت الشعر ابو نفـسٍ رزينـة =والرزانه تاخذ من ارض السعودية صورهـا
ماأفرق في بلادي.. فـي مدينـه عـن مدينـه =والمشاعر للمشاعر وارضها واللي عمرهـا
من وطاها الطاهر محمد وصافحهـا جبينـه =جدلت ثوب العفاف وروحت تزهى دررها
عاد واللي للرسول إخـوان نـوره صاينينـه =يافخرها بالرسول وبالسعودي يافخرها
كل شبر ٍ مـن بـلادي والله إنـا محتمينـه =محتمينـه.. محتمينـه ..بأرضهـا وإلا بحـرهـا
ياسلام الشعر أسوقه في سلام وفـي سكينـه =والمدينة كاتبـ ٍ تاريخهـا وقـاري سيرهـا
قومي اللي ينطحون الطايله وأهـل السمينـة =ذي مرابط خيلها وهذي على البيـداء اثرهـا
مرحبا عبدالعزيـزو مرحبـا اهـل المدينـة =عد ماتبرق بروق المزنه اللي ذا مطرهـا[/poem]
[align=center]
للـشاعر الجـبـل [ بدر بن سعود بن عبدالله الظاهري ] قال هذه القصيده في احد امسياته بالمدينه المنوره...
اتمنى ان القصيده نالت على أعجابـكم ورضاء ذائقتكم الشعــريه
[/align]
| 
|
09-08-2008, 06:23 PM
العرض المتطور
