[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هو يحسبني ميتٍ فيـه وابغـاه=مايدري اني من فراقـه معافـا
ماجيت ابي قربه ولا جيت لرضاه=قلبي ليا من عاف ماعاف عافـا
كلٍ على دربـه يـدرج مطايـاه=ماعاد به بيـن القلـوب التئافـا
فالاخره بعديـن يلقـا سوايـاه=والا لقاها عقب طـول اختلافـا
يمكن يجي مردود طارف خطاياه=فأيات لحظه قـدم عينـه تهافـا
آه علـى آهيـن وآه علـى آه=ليت الجروح اللي بقلبي تشافـا
مالي جدى غير الصبر كان ابقواه= حتى ولوبه للمعنى كلافا
لا بارك الله فالهوى كيف جينـاه=كنا من الاعمـاق فيـه نتلافـا
مادام داء الحب يلغلب على دواه=ماظنتـي بعـض الاوادم تشافـا
والله يالولا واحدٍ ماقدر انساه= لاقول كل البيض تالي تعافا
ترى الوفا للي على طول تلقاه= بين الضلوع وسادته واللحافا
الصاحب اللي فالمعاليق مرباه=دايم عليه دموع عيني ذرافا
ماهوب للي لذته في محياه= ولاقفى على كل المحبين طافا
للصادق اللي مايخفي بلاياه= واضح ولا يلحق منّه خلافا
للي حفظ عهد الهوى ماتعداه= دايم نبيه ويالخفا مايحافا
ماشقا حياة الذل والعز محلاه =انا اشهد ان الحب مابه مرافا
ياشين حال الحب ياناس شيناه = ياشينها من حال حال الضعافا
لاصار بعض الناس تلعب بمعناه = للمصلحه والمفسده بحترافا
مفروض والله دابر الحب نمحاه= ونخوف اللي بالهوى مايخافا
ونكتب على عذب اللما لاصدفناه= محضر عليه مبصمٍ باعترافا
لازم يغض الطرف عن كل من جاه=بالذات راعين القلوب النظافا
يصد والا لانظر يظفي غطاه=يعني من الله ليت عنده مخافا
خطٍ كتبته عل من جاه يقراه=من شان مايبدي كثير الحسافا
هاض الخفوق وشارد القاف ناداه=من واهجٍ بين الضلوع النحافا[/poem]
| 
|
07-26-2008, 04:27 PM
العرض المتطور
