[align=center]اعضاء منتديات عتيبه الكرام ، السلام عليكم و رحمة الله و بركاته وبعد
يسعدني و يشرفني التواجد بينكم ، خصوصا ان قبيلة عتيبه لها مكانه خاصه عندي..
هذه القصيده مهداه الى صاحب النخوه و الفزعه
سعادة الدكتور/ خالد بن عايش الحافي العتيبي حفظه الله الذى اسدى الي معروف ولا يمكن انساه مهما حييت ويشهد الله انه افضل دكتور عندي في الكليه سهل النبا و بشوش القبال و هذه القصيده التي علها ان توفي بعض هذا الرجل الفذ و اقـول :[/align]
[poem=font="Simplified Arabic,5,blue,bold,normal" bkcolor="white" bkimage="" border="double,10,seagreen" type=2 line=0 align=center use=ex num="0,black"]
مشاعري باقصا الضماير تجولـي=عبرت عنهـا بالبيـوت الجزالـي
لاشك يرجح بالجزيـلات قولـي=لان الجزاله غايتي شـف بالـي
يا خالد الحافـي كريـم الفعولـي=يالحر الاشقر يـا بعيـد المدالـي
مشكور ياللي للمراجـل تنولـي=الله يعـزك يـا زبـون التوالـي
اخوي ابوعايش اذا صار حولـي=شيخن يذري عن صدوف الليالـي
نخيتكم قلت اسعفوا و افزعولـي=وفزعت لي يامن على القلب غالي
من لابتن ماني بصيتـه جهولـي=عتيبـة الهيـلا كـرام السبالـي
خص الحفاه بيوم عـج الخيولـي=نوادرا ٍ منزالهـم فـوق عالـي
لا جا نهـارٍ ٍ فيـه دق الطبولـي=بيومن يصيب المغرضين الجفالي
بأيمانهم ياما غدا مـن زحولـي=من قو ضرب مشطرات الصقالـي
هم عز من ضاقت عليه الحلولي=طوال اليماني مكرميـن الرجالـي
يوم العرب فوق الرمك و الذلـوي=هم للصرامه و الشهامه مثالـي
كم من عقيد ٍ طاح يوم الذهولـي=بسيوف جدانـك نهـار القتالـي
وبالشعر وعلوم المراجل فحولـي=من صلب روق معربين الخوالـي
صيارمن تنقل جميـع الحمولـي=بعزايمن تشدى عـزوم الجمالـي
يكفي بهم خالد عسا ما يزولي=عسا سنينـه دايمـات ٍ طوالـي
خالد ولد عايش ميولـه ميولـي=بالطيب و علوم النقا و المعالـي
وعسا الصوادف بيننا ما تحولـي=ابجاه يا خالـد مجيـب الخيالـي[/poem]
[align=center]تقبلوا خالص تحياتي يالعيال المطانيخ
ممدوح سماح الشمري[/align]
| 
|
07-14-2008, 02:51 PM
العرض المتطور
