تعرف الرقم 940؟

[روقي قرم]

لا نغفل عن رقم [mark=99FF66]940[/mark]



اول شي تعرفه الرقم شنو؟

بقولكم سالفة صارت قدامي أمس وأنا جاي من الدوام وقفت عند احد مطاعم الفلافل وهذا المطعم جديد وأصبح له صيت في حينا المهم وأنا كنت جالس انتظر الطلب

وقف راعي سيارة ونزل وطلب والمهم الشاب هذا سئل العامل السوري ليه لابس قفاز واحد جاوب السوري هذا اشتغل فيها وهذا أحاسب والمصيبة العامل السوري وهو يتكلم

كان ماخذ الخبز بيده اللي بدون دسوس اوقفاز وحطة على الطاولة وقال الشاب وهو يضحك طيب ليه تمسك الخبز باليد اللي ما فيها قفاز السوري أنحرج وصار يبرر تبريرات مالها معنى وقال الشاب المفروض اللي يشتغل ما يحاسب يكون واحد ثاني

وأنا في ذيك اللحظة قلت فيه ذباب وخره عن الصواني وقال الشاب شف هذا زبون يقول عندك ذباب في المحل والعامل السوري شوي بيقوله مالك دخل تبي تأكل ولا اطلع برى والشاب طايح فيه
أسئلة المهم من ضمن الأسئلة اللي كان يسئلها وهو يضحك سؤال حسيت السوري من جد بينفجر وسؤال هو ليه منت مغطي شعرك وراح الشاب من ورى الكونتر يعني دخل عنده وارتسمت على وجه العامل علامة

استفهام وتعجب كبيره وأنا قبله بعد وقال معك مفتش الصحية هينا تعال شوف وجه العامل من زود ماهو احمر من النار اللي عنده وفوقه الإفحام من الأسئلة يوم سمع كلمة مفتش الصحية والله يا جماعة أن وجهه

تقول طماطة احممرررررررررر وشهب وجهه في نفس الوقت عاد تخيلو شكله كيف ومالكم في الطويله المهم أن الرجال دخل جوا المطبخ حقهم وصار يعطي الملاحظات وطلع واحد من العمال

مجروحة يده وقال لا أشوفك هنا إلا لما تعالج جرحك هذا زبون يقصدني ترضى تأكل من يده قلت لا طبعن وسئل العامل الأول أبو وجه احمر مشهب اللي تقول كنه انخرص عطني شهادتك الصحية قال ما معي قال بعد طلع برا أنت وياه

المهم شب فيهم لكن بأسلوب جداً مهذب وفيه نصح وقال أنا ما جيت هنا عشان استقعد لكم لا أنا هينا عشان مصلحتكم ومصلحت الزبائن ولو الواحد جاه تسمم أو أي مرض انتقل عن طريق العدوى راح يدعي عليكم



ويوم طلع الرجال قعدت اسولف أنا وياه وقوله عن بعض المطاعم اللي تحتاج مراقبة فقال لا تعب نفسك أي مطعم تشوف علية ملاحظة اتصل على 940 وعطهم اسم المطعم والشارع وترك الباقي عليهم وكان معه ورقة قال

شف هذي الورقة هذا اسم المطعم وتاريخ التبليغ ولملاحظات اللي علية وها أنا جيته وشفت وش صار بعينك

منقول للافائده..

تمنياتي لكم الصحه والعافيه اليوم وكل يوم :)

[شموخ النايفات]

\\


هذا نفس مخبز عند بيت خالتي تقول مره جانا خبز فيه مشبك ملابس ومره في ذباب وجناج زهيوي (صرصور)

وجارنا حالف على زوجته انها تسوي الخبز من تنور البيت
والسبب انه شايف الايراني عرقه يصب و يعجن الخبز بطشت برجووله :(

القرم يعطيك العافيه على هالمووضووع

تحياتي لك

[قلب الريم]

يعطيكـ العافيه روقي عالتنبيه والمعلومه هذي اول مره اعرفها



عن هذا الرقم ,,



اعجبني تصرف رجل الصحيه وياليتهم على طول كذا متابعين,,,


لكـ وديــــ وورديـــــــــ ,,,

[روقي قرم]

[mark=66FFFF]الجازي..[/mark]

الله يعافيك على مرورك والاضافه..

لاهنتِ والله

[روقي قرم]

[mark=FFFF00]قلب الريم..[/mark]

الله يعـافيك ودام عرفتيها لاتبخلين خبري الي مايعرفونها

اشكرك على مرورك وردك

لكـِ ودي <<اوما ورد ماعندي:)

[الـسليفي]

معلومه جديده ومهمه

لك الشكر

[روقي قرم]

الشكر لك يالسليفي على مرورك ومشاركتك

وحياك الله بعد غياب

تحياتي لك

[الدَعْجَانِـيـْةِ]

الله المستعان

وتبقى الرقابة مطلوبة سواءً من وزارة الصحة او من كل من يهمه الأمر وكذلك صاحب المحل عليه دور كبير في تنبيه العاملين لديه واختيارهم بالشكل السليم

/

سلمت أخوي

وعسااك على القووهـ

/

لاهنت

.

[روقي قرم]

[mark=66FFFF]الله يسلمك اختي دعجانيه..

اشكرك على مرورك وردكـ..

لاهنتِ..

اطيب التحايا..[/mark]