ناض برقٍ شمال

[ذايع]

[align=center]


ناض برقٍ شمال وقلت يا لله كريم
...........................يا لله انك تسوقه يم هاك الديار
فوق دارٍ سكنها صاحبي ياعظيم
..........................بامر ربي تقافا صوب ذيك المقار
سيّره يالهي لين تصبح نـــعيــــم
..........................جعل سيله يساقيها بليل ونهــار
وآه ياليتني في دار خلي مقـــيم
.........................وكل ماودي بشوفه حصل ثم صار
بين كل البشر ماله شبيه ونديـــم
.........................وصف خلي وانا قلته بكل اختصار
مير عنّه حداني هالزمان اللئيـــم
.........................حسبي الله على ذالوقت وشلون دار
كل ما قلت اشوفه زان يرجع اليم
.........................وكل ما طاب لي في يوم عوّد وبار
صرت في حرب مع وقتي ولاني سليم
.........................والنتيجة يا خوفي يعلن الانتصـــار
احتداني عنه واصبحت كني بجحيم
..........................زوّد الهم هم وزوّد النار نــــــــار
ما بقى غير ذكرى في زمانٍ قديم
.........................ذاك وقتٍ مضى كله غلا وازدهــــار
يا لله انك تعيده طالبك يا عليم
..........................واجتمع مع حبيبي بعد طول انتظار




[/align]

[عبدالله المرشدي]

بين كل البشر ماله شبيه ونديـــم
.........................وصف خلي وانا قلته بكل اختصار

صح لسانك ياذايع

صراحه انت جزل جزل ماشاء الله عليك

ولي وجهة نظر حول ماله شبيه ونديم

اعتقد ان ماله نديم ماهي مدحه له كانه معزول ومنقطع عن الناس

صح لسانك وعلى شانك

[المـاشي]

[align=center]صح لسانك

وعلى شانك

جزله من جزل

لاعدمناك

دمت بود[/align]

[فهيد مقعد الرويس]

صح لسانك

ياذايع

تقبل اطيب تحيه

[القـاسميّه]

الله الله الله

حي هالشعر وراعيه
بيض الله وجهك يالجزل .. ابيات راائعه
..,,.. صح لساانك ..,,..صح قلبك ..,,.. صح طرحك ..,,..
بانتظار جزلاتك دووم لا تبطي بهاا

تحياتي
اختك القاسميه ......

[ذايع]

عبدالله المرشدي

صح الله بدنك ومشكور لإطرائك وملاحظتك سليمة ولكن تجي مدحة بمعنى

ثاني .

تحياتي

[عادل العتيبي]

صح لسانك لين ترضى



وبيض الله وجهك


لاهنت وتقبل تحياتي

[ناصر بن سعدي]

إخـــوي الغالي


ذايع

صــح لسانك ..

قصيــده رائــعه ..


وبيض اللـه وجهــك ..

وتقبــل خالص تحياتي ..

[وردة الأسحـار]

صح لسانك ياذايع

[شهد]

الشاعر ذايع

صح اللسانك ملاييييين اخوي لاهنت