بعض ماشفته من واقع اليوم@@@

[البارع]

تحيه طيبه وبعد:.........................
قصيده ممارايت على ارض الواقع ارجو ان اكون قد وفقت فيها لانها

تجربه جديده لي......اقول

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ناظرت لي ناس مقروشه=والمال ماتظهر ازكاته
سمو من الهمش مطروشه=والفسق وصلو لمنهاته
دايم والاموال مطشوشه=والقصد يعني لشهواته
الحق يوخذ عقب هوشه=والشر كبرت علاقاته
والواقع اليوم بالطوشه= مابين وده وذا هاته
والناس مافيه ماتحوشه=والسوق كثرت حركتاته
والظلم مشيوف منيوشه=جاثم على الخلق بازماته
ناسٍ تسكَن بمفروشه= (بالواو)جنه عماراته
والبعض يسكن بمعشوشه=يبكي لوحده ولا جاته
واثر الفرح ماتت بشوشه=بعيون من زادت اهاته
والخلق فالخلق مغشوشه=كلٍ ينافق لحاجاته
والموضه اليوم بالشوشه=صار الولد مثل اخياته
والذيب يرضى بعرموشه=واول يساوم سميناته
حتى هل الدين مبلوشه=من زمرة الشر وافتاته
اجساد وعقول مخشوشه=لامرن تنفذ قراراته
من يوم الابيض جلب بوشه=والرَب عالم بنياته
عامين ثم جهز جيوشه=واتضحت انا عداواته
والحقد ماراح مفشوشه=كرر من الغبن غاراته
بغداد ماهي بمطنوشه=والسيف فيها وضكاته
ماشفته ابكل منقوشه=والعذر مني على اوقاته
والهرج لاطال بلوشه= ازين لرا عيه مسكاته[/poem]

[شموخ النايفات]

الــ ب ــارع


صح لسااانكــ وعلى شاااانكــ


ويعطيك العافيهــ على هالقصيدهــ


\\

[البارع]

المشاركة الأصلية كتبت بواسطة الـجـازي الــ ب ــارع صح لسااانكــ وعلى شاااانكــ ويعطيك العافيهــ على هالقصيدهــ \\

اختي الجازي...شاكر لك مرورك...,وثناءك..تقبلي تحياتي

[قوت القلوب]

البارع صح لسانك
مبدع كعادتك
لك كل الود
تحياااتي

[فلان الفلاني]

صح لسانك

لله درك ..


تحيتي

[البارع]

المشاركة الأصلية كتبت بواسطة فلان الفلاني صح لسانك لله درك .. تحيتي

فلان الفلاني...صح ابدانك الله لايهينك شاكر لك مرورك يالذيب,,,

[البارع]

المشاركة الأصلية كتبت بواسطة قوت القلوب البارع صح لسانك مبدع كعادتك لك كل الود تحياااتي

اختي...قوت القلوب شاكر لك مرورك العطر...لاهنتي

[عبدالله المرشدي]

البارع صح لسانك

وعلى شااانك

وفاقدين تواجدك

عسى مابك خلاف

تحيتي لك يالغالي

[البارع]

المشاركة الأصلية كتبت بواسطة عبدالله المرشدي البارع صح لسانك وعلى شااانك وفاقدين تواجدك عسى مابك خلاف تحيتي لك يالغالي

يااااااااااااااامرحبااااااااا والله يابوبدر,,,صح ابدانك واكفيت الخلاف

ووالله يابوبدر انه ينشرح خاطري يوم ادخل المنتدى واشوفك انت

وابن مسلم وكل الشباب اللي شرواكم....والحقيقه يابوبدر اني

هالعطله ياطويل العمر ارتب لزواجي واني على ماقيل غرقان لاراسي

يعني دخولي للمنتدى كله من غلاكم وانشاء الله لانتهت الامور نبي

نلرجع مثل اول واكثر...لاهنت ياطويل العمر...

[ابن مسلم]

سلطان

الحمدلله على السلامه

ومن طول الغيبات جاب الغنايم


صح لسانك

مبدع ياسلطان

وشهادتي فيك مجروحه