[align=center]
مصافحه اولى لربعي وتاج راسي عتابه ومهما قلت اوكتبت
لا ارآ انها ستصل للغرض المطلوب من حيث مدحي لقبيلتي
ارجو ان تحوز على رضاكم ولكم اجمل تحيه من شاعركم
ابو بندر[/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقولون العرب في ماضى التاريـخ وألازمـان=يجى وقتٍ غبر مايسنـدون الامـر لصحابـه
ويقولون العرب مافيـه نـار الا لهـا دخـان=وساس النار والدخان مـن جمـره ومشهابـه
ويقولون العرب قدامـك الميـدان ياحميـدان=مثل دارج ولـه معنـى ويعجـب واتسلابـه
ويقولون الرجال اللى لهم في الطايله برهـان=ابـد ماضـاع حق(ن)ولـه ديانـه وطلابـه
ويقولون الرجال البيت مايبنـا بـلا عمـدان=وانا اقول ان عز البيـت بالعمـدان واطنابـه
اللي عزوه ولي لابه عتيبـي ربعـي العتبـان=ولي حق الفخـر بأسـم العتيبـي واتعزوابـه
تنقي ياهجوسي واجمعي باقـه مـن البستـان=تنقـي فالنـوادر والمنقـى ربعـى اولابــه
سلام الله على كل القبايـل مـن ولـد قبـلان=بدون اقصور كلٍ يفتخر لاصـار مـن لابـه
وترى كلمت نعم ماجات لعتابه على المجـان=شروهـا عسكـر البـارود رجليـه وركابـه
تربعنا على القمـه وقـرت شوكـة الميـزان=لنا وقفه لنـا هيبـه لنـا حشمـه لنـا جابـه
ولانغدر نثمن وآجـب الضيفـان والجيـران=نمشيهـا وندمـح زلـة الصاحـب وندرابـه
بحر هادي مع الهادي نجم هاوي على الشيطان=الم تـدرون عـن هـذا المثل(لـدم شرابـه)
تحيه ياهـل الهيـلا وحنـا والعبـاد اخـوان=تحت ضل الشريعه كل فاسق ياخـذ احسابـه
تلالي يابروق الشعرفي راسي سـرى ربـان=هماليله غلا تمطر على اهل الـدار وهضابـه
انا الشاعر وانا المبدع وانا الهاوي وانا الفنان=ليامني ذكـرت اللـى شهـر للعـز مخلابـه
عريب الجد ابو متعب على شعبه ملك وانسان=يمينـه بالعطـا جزلـه حليـم ولا يحـلابـه
الا ياقـادة الامـه حكمتـو والـولا ريحـان=امده بأسم ربعـى محزمـي وامـون ونيابـه
وصلاة الله على محمد عدد ماهلـت الامـزان=رسـول الله حبيـب الله ذكـره الله بكتـابـه[/poem]
| 
|
06-10-2008, 05:40 PM
العرض المتطور
