العام راح

[مناحي الفرزه]

[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
العام راح ولابقى غير ذكـراه=واللي بقى لي منه ذكرى عظيمه

فيه الغلا وشلون أنا مقدر أنسـاه=فيـه الليالـي والليالـي يتيمـه

فيه الحنان اللي خفوقـي تمنـاه=فيه الغرام اللي سكنـي نديمـه

واليوم جتني هالسنه كيف أبلقاه=وغيم الشقا هتان مزن وغيمـه

عساه تبقى مع حبيبي وطريـاه=وتبقى لنا هاك السنين القديمـه

على عهود ماضيات اتحراه=واطلب عسى رب الخلايق يديمه

هاك الحبيب اليا أبتسم في ثناياه=حتى الثواني في يديها حشيمـه

القاه أنا دمـع تنثـر ولاجـاه=مثل الندى فوق الغصون الهشيمه

ماطيق أنا فرقاه ياشين فرقـاه=في غيبته حتى المعانـي لئيمـه

لاغاب عني عشت باحلى مزاياه=انه على شاني تحـدى الظليمـه [/poem]

مناحي الفرزه

[عبدالله المرشدي]

مناحي الفرزه

صح لسانك وعلى شانك

قصيده رائعه

ولي ملاحظه بسيطه على هالشطرين

فيه الغلا شلون أنا مقدر أنسـاه

اعتقد هنا خطى املائي ناقص الف او واو
والصحيح
فيه الغلا اشلون أنا مقدر أنسـاه
او
فيه الغلا وشلون أنا مقدر أنسـاه

وهنا فيه كسر بسسب زياده (بس)

على عهود ماضيات بس اتحراه
والصحيح
على عهود ماضيات اتحراه

أمل تعديلها لاهنت

وفي انتظار جديدك

تحيتي لك

[مناحي الفرزه]

فيه خطى مطبعي

[ابن مسلم]

الأخ الشاعر/


مناحي الفرزه


شاعر غني عن التعريف وصح لسانك

قصيدة جميله

بإستثناء ماذكره الأخ

عبدالله المرشدي

إذا كانت أخطاء إملائيه كماوضح الأخ ابو بدر

أشر إلى ذلك لكي نتمكن من تعديل ذلك

وتقبل تقديري ياأخ مناحي

[مناحي الفرزه]

ابن مسلم


اتمنى تعديل القصيده لنني حاولت اعدل ولم استطع ولكم جزيل الشكر اخواني العتبان

[مناحي الفرزه]

ابن مسلم


صح بدنك اخوي العزيز وبن عمي

[مناحي الفرزه]

عبدالله المرشدي



صح بدنك ابن عمي

[القـاسميّه]

صح لسانك
قصيده جميله
بانتظارك دوما

لا تبطي عليناااا
تحياتي
اختك القاسميه ...

[عادل العتيبي]

الله الله يامناحي


صح الله لسانك



فريدة من نوعها وجزله


هكذا الشعر الحقيقي


لاهنت وتقبل تحياتي

[ناصر بن سعدي]

صــح لسانك ..إخــوي / مناحي


وماقصــرت

وكان الله في عــونك ..

ودمت بخيـــر ..