[align=center]\
\
\[/align]
[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا سرى ليل الهموم وقمت ّ أسـج ّ الجرهديـه = ضايق ٍ صدري وأفل ّ من الروابـع والهقـاوي
ديرة ٍ جردا ولا يا وجد روحي .. فـي طميّـه = ولا ّ يم طويق ّ اعديبه ّ واجر ّ ابـه الغنـاوي
من جروح ٍ شلتها بالصدر من وقتي .. عطيّـه = واحسبن الوقت لامنّـه جـرح يرجـع يـداوي
مايقند ّ راسـي الخرمـان غيـر .. الشاذليّـه = إدرج ّ الفنجال يا سلطان .. وإكفيت ّ البـلاوي
خلّه يعالج خوا ً فالراس .. ثـم يركـد عليّـه = يابن ابويه والحزن ظلع ٍ عليه الذيـب عـاوي
يا ولد ذرب اليمين اللي علـى الطالـه جريّـه = وجدّك اللي في زمان الخوف .. يبطش مايراوي
الزمان اللـي تغيّـر وانقلـب حـال الخطيّـه = اصبحت ساس المراجل وأصبح الطيّب خـلاوي
الردي يسرج ّ عزومه بس ّ في كسب الرديّـه = ول ّ يالنفس ّ الضعيفه ساقتـه يـم ّ الدنـاوي
كيـف يرضـى بالدنيّـه نعنبـو راع ّ الدنيّـه = ونعنبوا راس ٍ يدنق ّ لاسمع ّ صوت العـزاوي
الضعيّف قال والموضـوع ماهـو فـي يديّـه = رايه المسلوب عند اللي تزيّـن .. بالغطـاوي
اقطع العرق ّ الخبيث ّ وقطّـع ّ أوراق القضيّـه = يارعاك الله .. روحي فـدوة ٍ لـك يالنـداوي
والله إنّا .. شاربين الطيب .. ونضد ّ السرّيـه = واحد ٍ منّا .. على راس ّ الجبّل .. نجم ٍ سماوي [/poem]
[align=center]لـشاعــــــر:مــساعـد الـبـيـــان
\[/align]
| 
|
05-28-2008, 11:29 PM
العرض المتطور
